Park (labour-douar)

Eus Wikipedia
Sauter à la navigation Sauter à la recherche

E gounezerezh, ur park zo un dachenn douar-labour evit gounit plant. Hadañ, arat an douar hag eostiñ ar plant zo e-touez al labourioù sevenet er parkeier. Plant a bep seurt a vez gounezet, alies edoù (gwinizh, maiz, riz, segal, kerc'h, lin...) pe beterabez, melchon, kotoñs... evit magañ an dud pe al loened, a-wechoù ober traoù all evel dilhad, trelosk, etc. Alies e vez cheñchet ar plant gounezet ingal, an treiñ eostoù a vez graet eus an teknik-se. A-wechoù e vez lezet an douar da ziskuizhañ ivez[1]. E devezhioù-arat e veze muzuliet gorread ar parkoù gwechall, en hektaroù bremañ.

Abaoe ur c'hantved eo brasoc'h ha plaenoc'h ar parkeier.

Korrlec'hanvadurezh[kemmañ | kemmañ ar vammenn]

"Park" eo ur ger a gaver er c'horrlec'hanvioù brezhonek : Hent ar Park, straed ar Park... Ur gumun Tro-Park zo ivez, savet e 1864 diwar ul lodenn eus Sarzhav.

Anvioù a veze roet d'ar parkeier ha d'ar pradeier gant al labourerien-douar gwechall : ar Park bras, ar Park trikorn, ar Park drezeg, Park ar marc'h, hag all. Kement-se a ra pinvidigezh al lec'hanvadurezh vrezhonek.

Skeudennoù[kemmañ | kemmañ ar vammenn]

Pennadoù kar[kemmañ | kemmañ ar vammenn]

Daveoù ha notennoù[kemmañ | kemmañ ar vammenn]

  1. Lavaret e vez da gozhañ ivez.