Park (labour-douar)

E gounezerezh, ur park zo un dachenn douar-labour evit gounit plant. Hadañ, arat an douar hag eostiñ ar plant zo e-touez al labourioù sevenet er parkeier. Plant a bep seurt a vez gounezet, alies edoù (gwinizh, maiz, riz, segal, kerc'h, lin...) pe beterabez, melchon, kotoñs... evit magañ an dud pe al loened, a-wechoù ober traoù all evel dilhad, trelosk, etc. Alies e vez cheñchet ar plant gounezet ingal, an treiñ eostoù a vez graet eus an teknik-se. A-wechoù e vez lezet an douar da ziskuizhañ ivez. E devezhioù-arat e veze muzuliet gorread ar parkoù gwechall, en hektaroù bremañ.

Abaoe ur c'hantved eo brasoc'h ha plaenoc'h ar parkeier.

Korrlec'hanvadurezh

"Park" eo ur ger a gaver er c'horrlec'hanvioù brezhonek : Hent ar Park, straed ar Park... Ur gumun Tro-Park zo ivez, savet e 1864 diwar ul lodenn eus Sarzhav.

Anvioù a veze roet d'ar parkeier ha d'ar pradeier gant al labourerien-douar gwechall : ar Park bras, ar Park trikorn, ar Park drezeg, Park ar marc'h, hag all. Kement-se a ra pinvidigezh al lec'hanvadurezh vrezhonek.

Skeudennoù

• Skouerioù parkoù gant gounezadurioù ha mareoù disheñvel.
• 
  Parkad gwinizh pe gwinizheg gant glizin en hañv.
• 
  Meur a ouenn lavand e kêriadenn Snowshill, e Bro-Saoz.
• 
  Parkad lavand.
• 
  Parkad kolza.
• 
  Parkad gwinizh.
• 
  Parkad gwinizh falc'het.
• 
  Traktorioù e Oudenaarde e Reter-Flandrez (2005).
• 
  Parkad riz pe rizeg.
• 
  Parkad tro-heol e Kastilha ha León, Bro-Spagn (2012).

• Parkeier a bep seurt stummoù.
• 
  Labour-douar askoridik, korn-bro Leuven-Hageland, norzh Belgia, nepell diouzh aerborzh Brusel-Zaventem (2012).
• 
  Tachennoù karrezek e Kalifornia (2011).
• 
  Tachennoù kromm e-kichen Sentenhart, e Baden-Württemberg (2009).
• 
  Parkeier e Sivak, e Voivodina, norzh Serbia (2012).
• 
  Gounezadurioù gwaziet (e glas) hag edajoù war douar krin e-pad ur sec'hor e-kichen Wiggins, e Kolorado (miz Gouere 2012).
• 
  Tachennaoueg azasaet he mentoniezh ouzh an torosennadur evit mont a-enep ar c'hrignerezh, rannvro ar Mississippi-uhel, Missouri (1942).

Pennadoù kar

• Gounezerezh
• Prad
• Adlodennañ