Northwich
Northwich zo ur gêr hag ur barrez keodedel e kontelezh Cheshire, e Bro-Saoz.
Emañ er reter da gêr Chester, e kember ar stêrioù Weaver ha Dane.
Istor
[kemmañ | kemmañ ar vammenn]En amzer ar Romaned e oa eno ur gêr anvet Condate. Talvezout a rae an anv-se kement ha "kember". Meur a c'hêr a oa anvet evel-se en Europa, hag int savet e kember meur a stêr. Eus kember ar stêrioù Dane ha Weaver ez eus anv evit Northwich.
Meneget eo anv Condate/Northwich e meur a skrid latin. An hini kentañ eo an Itinerarium Antonini, ur gartenn eus an IIIe kantved[1]. Gant Dizanv Ravenna e voe meneget Condate ivez [2], etre daou anv all, Salinae (Middlewich) ha Ratae (Leicester) hag a oa kêr-benn ar bobl Corieltauvi[3].