Mont d’an endalc’had

National Security Act of 1947

Eus Wikipedia

An National Security Act of 1947 a voe un adaozadur veur eus nerzhioù lu ha spiañ Stadoù-Unanet Amerika goude an Eil Brezel-bed. Darn eus aktaoù al lezenn a voe lakaet da dalvezout adalek an 18 a viz Gwengolo 1947, un devezh goude ma voe lakaet e post James Forrestal evel kentañ ministr an Difenn gant Sened ar vro.

An akta a gendeuzas Departamant ar Brezel (adanvet Department of the Army) ha Departamant ar Morlu en National Military Establishment (NME), renet gant ministr an Difenn.

Krouet e oa ivez Departamant an Aerlu hag an United States Air Force. Rannet e oa neuze nerzhioù nij an Army Air Forces diouzh re an aerlu. Gwarezet e voe Korfad an US Marine Corps evel ur skourr emren met suj da Zepartamant ar Morlu.

Ouzhpenn da adaozadur an nerzhioù milourel, an National Security Act of 1947 a grouas an United States National Security Council hag ar Central Intelligence Agency (CIA), ar c'hentañ ajañs spiañ stadunanat nann milourel ha krouet en ur mare a peoc'h.

Titl al lezenn[kemmañ | kemmañ ar vammenn]

Stumm berraet titl al lezenn eo National Security Act of 1947, evit An Act to promote the national security by providing for a Secretary of Defense; for a National Military Establishment; for a Department of the Army, a Department of the Navy, a Department of the Air Force; and for the coordination of the activities of the National Military Establishment with other departments and agencies of the Government concerned with the national security.

Liammoù diavaez[kemmañ | kemmañ ar vammenn]