Masataka Taketsuru

Eus Wikipedia
Sauter à la navigation Sauter à la recherche
E Japaneg e reer gant Taketsuru Masataka met dalc'het e vezo da stumm kornôgel urzhiadur an anvioù tud amañ.

Taketsuru Masataka bust.JPG

Masataka Taketsuru (竹鶴 政孝 Taketsuru Masataka, 18941979) a zo tad ar whisky a vro Japan[1]. Ganet eo bet e 1894 e Takehara, prefeti Hiroshima. E familh a oa perc'henn war ur strilherezh sake ha produerien an evaj abaoe 1733.

Ar veaj da vro Skos[kemmañ | kemmañ ar vammenn]

E miz Gouere 1918 ez a Masataka Taketsuru da studiañ kimiezh organek e bro-Skos e Skol-veur Glasgow. Thomas Stewart Paterson a zo bet e gelenner. Labouret en deus e meur a strilherezh, evel-se e tizolo ar vro, ar Wiski ha kavout a ra an hini a vo e wreg Jessie Roberta Cowan (lesanvet Rita) [2] a orin eus Middlecroft, Kirkintilloch.

D'an 8 a viz Genver 1920 e timez an daou e Glasgow, daoust ma oa o familhoù a-enep an dimeziñ-se. Bevet o deus ur pennadig e Campbeltown ha labourat a rae-eñ e strilherezh Hazelburn. Diwezhatoc'h er bloaz-se e tilojont da vro Japan, en ur dremen dre New York ha Seattle.

E 1923 gant sikour Shinjirō Torii en doa krouet ar strilherez whisky kentañ e bro Japan, e Osaka, hini Suntory Yamazaki.

Strilherezh Suntory Yamazaki

Liammoù diavaez[kemmañ | kemmañ ar vammenn]

Notennoù ha daveennoù[kemmañ | kemmañ ar vammenn]