Louis Gallouédec

Eus Wikipedia
Mont d’ar merdeerezh Mont d’ar c’hlask

Louis Gallouédec (Montroulez 1864-1937 Saint-Jean-de-Braye, Loiret) a oa un douaroniour ha politikour gall, bet enseller en deskadurezh c'hall.

Ganet e oa e Montroulez, ha skoliet e Gwitreg, hag e Laval. Goude-se ez eas da Bariz da studiañ d'ar Skol Normal Uhel. Skolveuriet e voe war an istor ha douaroniezh en 1888, hag anvet da gelenner e lise Orleañs ma chomas betek 1901. Goude e voe kaset da gelenn da Bariz. En miz Kerzu 1907 e teuas da vezañ enseller-meur en deskadurezh, ha chom a reas en e garg betek 1934.

Ouzhpenn-se e voe kuzulier-kanton (kanton Orléans-Nord-Est) e-pad tregont vloaz diwezhañ e vuhez, etre 1907 ha 1937, maer Saint-Jean-de-Braye adal 1912 betek 1937, ha prezidant Kuzul-departamant Loiret etre 1933 ha 1936.

Tomm e oa ouzh Breizh en e zoare, hag en 1927 e savas ar gelaouenn Union bretonne du Loiret da vodañ Bretoned an tolead. Brudet e oa e zornlevrioù-skol « Schrader et Gallouédec ».

Oberennoù[kemmañ | kemmañ ar vammenn]

Massif du Pelvoux, e-barzh Franz Schrader & Louis Gallouédec, Géographie élémentaire de la France et de ses colonies rédigée conformément aux programmes des classes de 5e classique et 6e moderne, 2e édition, 1894.
  • Études sur la Basse Bretagne, in Annales de géographie (tome II, n° 6, 1893, p. 173-188)
  • Atlas classique de géographie ancienne et moderne, Hachette, 1905 (adembannet), kensavet gant Franz Schrader
  • Ur c'hant a levrioù-skol savet etre 1892 ha 1936, gant Franz Schrader, pe gant Fernand Maurette, (e ti Hachette)
  • La Bretagne, Hachette, coll. « Histoire et géographie régionales de la France », 1917
  • Le Maine, Hachette, coll. « Histoire et géographie régionales de la France », 1925

Meneg[kemmañ | kemmañ ar vammenn]

  • Ce qui, en effet, autant que la difficulté des communications, avait longtemps enfermé la Bretagne - ou du moins une moitié de la Bretagne, la Basse-Bretagne - chez elle, c'est qu'elle parlait un idiome spécial, sans relation avec la langue française. C'était une de ces langues primitives, aux mots rudes, aux consonnes gutturales, à la syntaxe compliquée qu'on ne parle jamais bien si on ne les a apprises au berceau. Arroud tennet eus e levr La Bretagne, Hachette, 5vet embannadur, pajenn 250.

Liamm diavaez[kemmañ | kemmañ ar vammenn]