Loren

Evit implijoù all, gwelet Loren (disheñvelout).

Loren (Lothringen en alamaneg, Lothringe e frankoneg Loren, Loutrengen e luksembourgeg, Lorraine e galleg, Lotharingen e nederlandeg) a zo ur vro istorel eus Europa ar C'hornaoueg, ganet diwar:

Lotharingia

hag he deus roet

Dugelezh Loren, ul lodenn anezhi, a badas eus 959 da 1766.
Distrig Loren, Bezirk Lothringen, anv departamant ar Moselle etre 1871 ha 1919, pa oa ul lodenn eus Alamagn
Loren, ur rannvro eus Republik Frañs etre 1956 ha 2015

Ar skoed

War skoed Loren e weler teir erezan ("alérion" e galleg), erered bihan. Un tregejad eus LOREINA (ur skrivadur latin eus anv ar vro) eo ALERION, ar pezh a vez graet "ardamezioù kanus" en heraldik.

Douaroniezh

Un drederenn eus an tiriad zo goloet gant koadeier. Nancy ha Metz eo an div gêr vrasañ. Épinal, Diddenuewen, Forbach, Bar-le-Duc ha Verdun zo kêrioù bras all.

Treuzet eo gant ar Mozel hag ar Meuse.

Ar yezhoù

El lodenn vrasañ eus Loren e vez komzet ur yezh romanek, al loreneg roman, hag e hanter departamant Moselle e vez komzet tri rann eus ar frankeg, ur yezh germanek : ar frankeg luksembourgek, frankeg ar Roen ha frankeg Mozel.

Gwelet ivez