Leonardo DiCaprio

Eus Wikipedia
Sauter à la navigation Sauter à la recherche
Leonardo Dicaprio e-pad festival Cannes 2019

Leonardo Wilhelm DiCaprio, ganet d'an 11 a viz Du 1974 e Los Angeles, zo un aktour, produer ha stourmer evit an en-dro stadunanat. C'hoariet en deus bet rolloù a bep seurt, dreist-holl reoù doare film-buhez hag istorel. E 2019, e filmoù o deus rastellet US$7,2 miliard dre ar bed-holl. Eizh gwech eo bet lakaet war listenn vloaziek an aktourien paeet ar muiañ pe er Forbes Celebrity 100. Enoret eo bet alies, gant un Academy Award ha tri Golden Globe Awards.

Ganet e Los Angeles, DiCaprio a zo kroget da vezañ aktour en ur c'hoari e bruderezhioù er skinwel e fin ar bloavezhioù 1980. E penn kentañ ar bloavezhioù 1990 e vez gwelet e meur a roll skinwel e stiradoù skinwel, evel ar sitcom Parenthood. Ar c'hentañ roll pouezus a vo er film This Boy's Life (1993), burutellet mat e voe e roll a-eil evel den ampechet er film What's Eating Gilbert Grape (1993), dre-se e voe lakaet e anv evit un Academy Award.

Dreistbrudet e vo dre ar bed holl gant ar film istorel, dram ha karantez Titanic (1997), hag a zo deuet da vezañ ar film o rastellañ ar muiañ a arc'hant en istor betek-henn. Goude un nebeut filmoù hag a vo degemeret fall, DiCaprio a c'hoari e daou film a raio berzh e 2002: ar film buhez Catch Me If You Can hag ar film istorel-drama Gangs of New York. Ar wech kentañ e oa bet dezhañ da labourat gant ar filmaozour Martin Scorsese.

DiCaprio a zo krouer an embregerezh produiñ Appian Way Productions hag a brodu filmoù ha diellfilmoù evel an heuliad Greensburg (2008–2010). Krouet en deus bet ivez al Leonardo DiCaprio Foundation, un aozadur ar mat kefridiet gant deskiñ an dud a-fed diwall ouzh an en-dro. Alies e vez o harpañ obererezhioù aluzenus, produet en deus meur a ziellfilm war an en-dro. E 2005, e voe anvet da Commandeur de l'Ordre des Arts et des Lettres evel den a arz. E 2016 e oa bet lakaet e anv evel unan eus ar 100 galloudusañ er bed gant an Time Magazine.

Ar stourmer[kemmañ | kemmañ ar vammenn]

DiCaprio a vez graet eus outañ an den brudet o stourm ar muiañ evit an en-dro hag a-enep tommadur an hin. Hervezañ, e oa dedennet gant kudennoù an natur abaoe e yaouankiz. Sellet en doa diellfilmoù war ar c'hoadeier o vont da get pe koll lec'hioù bevañ al loened. Embannet en deus bezañ agnostek hag e oa pouezusoc'h dezhañ ar stourm evit an natur eget ar speredelezh. Savet en deus al Leonardo DiCaprio Foundation e 1998, un aozadur ar mat a stourm evit deskiñ an dud a-fed doujañ ouzh an en-dro ha stourm a-enep ar saotradur ha distruj ar blanedenn Zouar.

"Climate change is real, it is happening right now. It is the most urgent threat facing our entire species, and we need to work collectively together and stop procrastinating. We need to support leaders around the world who do not speak for the big polluters, but who speak for all of humanity, for the indigenous people of the world, for the billions and billions of underprivileged people out there who would be most affected by this. For our children's children, and for those people out there whose voices have been drowned out by the politics of greed."

Notennoù ha daveennoù[kemmañ | kemmañ ar vammenn]


Liammoù diavaez[kemmañ | kemmañ ar vammenn]