Kylian Mbappé
.jpg)
| Reizh pe jener | paotr  |
|---|---|
| Bro ar geodedouriezh | Frañs |
| Bro sport | Frañs |
| Anv e yezh-vamm an den | Faisal |
| Anv ganedigezh | Kylian Mbappé Lottin |
| Anv-bihan | Faisal |
| Anv-familh | Mbappé |
| Deiziad ganedigezh | 20 Kerzu 1998 |
| Lec'h ganedigezh | Pariz |
| Tad | Faisal Khalid |
| Mamm | Fayza Lamari |
| Breur pe c'hoar | Ethan Mbappé |
| Kompagnun(ez) | Ester Expósito |
| Yezh vamm | galleg |
| Yezhoù komzet pe skrivet | galleg, spagnoleg, saozneg |
| Yezh implijet dre skrid | galleg |
| Micher | c'hoarier mell-droad |
| Tachenn labour | mell-droad |
| Savlec’h c’hoari pe spesialded | forward |
| Deroù ar prantad labour | 2015 |
| Ezel ar skipailh sport | Real Madrid CF |
| Strollad etnek | Black Europeans of Sub-Saharan African ancestry |
| Kleñved | COVID-19, knee strain |
| Sport | mell-droad |
| Niverenn sport | 10 |
| Perzhiad e | Kib vell-droad ar bed 2018, UEFA Euro 2020, Kib vell-droad ar bed 2022, UEFA Euro 2024, Kib vell-droad ar bed 2026 |
| Perc'henn war | Interconnected Ventures |
| Prizioù resevet | Marc'heg al Lejion a Enor, Best Young Player Award, Golden Boy, Kopa Trophy, European Golden Shoe |
| Lec'hienn ofisiel | https://kylianmbappe.com/ |
Ganet eo Kylian Mbappé d'an 20 a viz Kerzu 1998 e Pariz. Ur c'hoarier mell-droad etrevroadel ha gall a-vicher eo. C'hoari a ra evel tager e skipailh ar Real Madrid.
Er bloavezh 2016-2017, e c'hounez gant skipailh an AS Monako ar c'hampionad Frañs Kevre 1. C'hoari a ra ivez Kib ar Gampioned gante. Dont a ra neuze da vezañ unan eus ar c'hoarierien gant ar muiañ a varregezh da ziorren e bed ar vell-droad.
E miz Meurzh 2017, pa oa 18 vloaz gantañ, e c'hoarias e vatch gentañ gant skipailh bro-C'hall.
An 31 a viz Eost 2017, devezh diwezhañ ar merkato, ez eo prestet gant an AS Monako d'ar Pariz Sant-German. Lakaat a ra ar memes nozvezh e bal gentañ e skipailh bro-C’hall[ [Restr:Mbappé.jpg|thumb|Kylian Mbappé, o reiñ ar gasadenn evit ma lakfe Thomas Lemar ar pal, d'ar 6 a viz Mae 2017 e Lig1 a-enep da skipailh Nancy e stad Marcel-Picot.]] Renket eo 7vet evit ar vell Aour hag anvet neuze evel unan eus ar c’hoarier gwellañ eus ar bed, gantañ 19 vloaz nemetken.
E 2024 e kuitas ar PSG hag ez eas da c’hoari er Real Madrid[1].
Buhezskrid
[kemmañ | kemmañ ar vammenn]Yaouankiz ha stummadur
[kemmañ | kemmañ ar vammenn]Ganet d'an 20 a viz Kerzu 1998 e 19 vet ranngêr Pariz, emañ o tont Kylian Mbappé Lottin eus ur familh sportourien. E dad, Wilfrid Mbappé Lottin, o tont eus bro-Kameroun, a oa ur c'hoarier mell-droad gant ul live rannvroel. Deuet eo da vezañ goude-se gourdoner evit ar re dindan 15 vloaz e skipailh an AS Bondy. E vamm Fayza Lamari, aljerianez, a oa c'hoarierez mell-dorn D1 e klub an AS Bondy ivez, betek 2001. E vreur bras, Jirès Kembo, a zo ur c'hoarier mell-droad a-vicher abaoe 2006 goude bezañ heuliet ur stummadur e skipailh Roazhon, hag e vreur bihan a zo en soñj tapout ar memes hent evit e vreudeur.
Krog e oa Kylian Mbappé gant ar vell-droad e skipailh an AS Bondy, e lec'h ma tremenas c'hoarierien a-vicher all evel Sébastien Corchia, Steven Joseph-Monrose ha Jonathan Ikoné.
En 2011, ez eo dibabet evit ar remziad 1998 en INF Clairefontaine. Skoliatet eo neuze e skolaj Catherine-de-Vivonne e Rambouillet. E-pad e stummadur e Clairefontaine, en 2013, ez eo gwelet gant un nebeud kluboù gall (evel ar Stad Malherbe de Caen) hag en estrenvro (ar Real Madrid, Chelsea, hag all). Mont a ra a-benn ar fin e kreizenn stummañ an AS Monako, pa distro ar skipailh gentañ e Lig1. Kenderc'hel a ra Mbappé e hentad : e miz Gwengolo 2014, ez eo choazet div wech evit c'hoari e skipailh bro-C'hall ar re dindan 17 vloaz. Kregiñ a ra ar c'houlzad 2015-2016 en ur lakaat tri doubl eus renk gant skipailh dindan 19 bloaz an AS Monako. C'hoari a ra un nebeud war-lerc’h er skipailh miret a-gostez, e CFA, lakaet gantañ e balioù gentañ e miz Du 2015. E miz Gwengolo 2016, e teu a-benn da gaout ur vachelouriezh STMG (skiantoù ha teknologiezhioù ar management hag ar mererezh).
Kabiten skipailh Bro-C’hall
[kemmañ | kemmañ ar vammenn]E miz Meurzh 2023 e teu Mbappé da gabiten skipailh mell-droad Bro-C’hall[2] war lerc’h Hugo Lloris, aet war e leve goude kib ar bed 2022.
Doare c'hoari
[kemmañ | kemmañ ar vammenn]Un tager prim-tre eo, gantañ teknikoù evit dribllañ, evit sprintañ da skouer. Un tager eo hag a sikour kalz evit difenn hag adtapout ar vell eo ivez. Alies-mat ez eo keñveriet gant Thierry Henry.
Daveoù
[kemmañ | kemmañ ar vammenn]- ↑ (fr) Transferts : Kylian Mbappé (ex-PSG) signe au Real Madrid pour cinq ans (officiel). Eurosport (Mezheven 2024).
- ↑ (fr) Kylian Mbappé : la star de l’équipe de France nommée capitaine des Bleus. France Info (Meurzh 2023).