Kreien
Evit kêr alaman Kreien, gwelout Kreien (Alamagn).

Kreien zo ur meuz poazhet er forn en ur plad bas, goloet gant paladur, keuz rasklet, vioù pe amann hag a zeu da vezañ ur greunenn rous ha brusk dindan grater ar forn. Servijet e vez en e blad-poazhañ end-eeun.
Kreien graet gant avaloù-douar[kemmañ | kemmañ ar vammenn]
Ur meuz ordin eo e kalz broioù. Lakaet e vez en ur plad skejennoù avaloù-douar poazhet en dour, goloet gant keuz, ha poazhet e vez pep tra er forn. Ur soubilh a vez lakaet alies, bechamel, mornay hag all.
Kreien giz Daofinez[kemmañ | kemmañ ar vammenn]
Evit ober kreien giz Daofinez eo ret lakaat skejennoù avaloù-douar en ur plad gant dienn ha kignen. Goloet e vez gant keuz pe vioù a-wechoù.
Kreien giz Savoia[kemmañ | kemmañ ar vammenn]
Lakaet e vez skejennoù avaloù-douar ha keuz beaufort, amann ha bouilhoñs.
Janssons frestelse[kemmañ | kemmañ ar vammenn]
Ar meuz svedat-se, hag a dalv kement ha « temptadur Jansson », zo kreien avaloù-douar, onion ha pesked-mir.
Kreien toazennoù, kig ha/pe legumaj[kemmañ | kemmañ ar vammenn]
Toazennoù a c'hall bezañ lakaet e-lec'h avaloù-douar, evel penne, rigatoni, fusilli / spirelli pe tagliatelle.
Doareoù all d'ober :
- kreien endivez gant morzhed-hoc'h
- kreien kourjetez
- Parmigiana : kreien berjinez, tomatez, bruzun bara hag eoul olivez (meuz italian)
- kreien kaol-fleur
- kreien pinochez
- kreien butternut
Kreien boued-mor[kemmañ | kemmañ ar vammenn]
Garlized a vez aozet er mod-se, gant tokoù-touseg ha keuz. Kreien toun ha kreien kregin-Sant-Jakez zo ivez. Gant meskl e vez graet ar meuz italian Cozze gratinate.
Kreien sukret[kemmañ | kemmañ ar vammenn]
Gallout a reer ober kreien gant frouezh : ur meskad anezho, bananez...