Kastell Kalmar

Eus Wikipedia
Sauter à la navigation Sauter à la recherche
Kastell Kalmar

Kastell Kalmar zo ur c’hastell savet e Kalmar, en arvor gevred Sveden.

Istor[kemmañ | kemmañ ar vammenn]

En XIIvet kantved e voe savet un tour-difenn eno. Er c’hantved war-lerc’h e voe savet tourioù all koulz ha mogerioù d’ober ur c’hastell-kreñv, gant ar roue Magnus Ladulås. Labourioù all a voe graet diwezhatoc’h gant ar roue Gustav Vasa hag e vibien Erik XIV ha Yann III, a reas eus ar c’hastell-kreñv ur gwir balez evit rouaned, er XVIvet kantved.

Ur plas bras en deus ar c’hastell-se en istor Sveden. Rak ennañ e oa bet sinet, e 1397, ar feur-emglev a unane teir rouantelezh Skandinavia (Danmark, Norvegia, Sveden) dindan ur roue hepken, Erik Pomerania, niz d'ar rouanez Margaret Iañ Danmark, an hini he doa bet prientet Unaniezh Kalmar.

Labourioù adkempenn zo bet graet er c’hastell abaoe kreiz an XIXvet kantved. Gweladenniñ a c’haller anezhañ bremañ.

Liammoù diavaez[kemmañ | kemmañ ar vammenn]


Commons
Muioc'h a restroù diwar-benn

a vo kavet e Wikimedia Commons.