Karibed

Karibed pe Kalinagoed, pe Karibaled, pe Galibi, eo anv henvroiz an Antilhez Bihanañ er Mor Karib.
Diskenn a raent marteze eus Karibed douar-bras Suamerika, met o yezh bepred a oa distag diouzh re an douar-bras, hag anvet eo karibeg an inizi.
Pa zegouezhas ar Spagnoled, e dibenn ar XVvet kantved, er rannved-se, e kavjont pobloù disheñvel, hag ar Garibed en-touez ar re niverusañ er Mor Karib, a zo anvet diwar o lerc'h. En amzer-se e vevent e hanternoz Kolombia, e biz Venezuela, hag e meur a enezenn. En inizi ar Mor Karib e voent distrujet evel pobl dizalc'h pa voent aloubet gant trevadennerien Europa. En douar-bras avat, en Venezuela, Brazil ha Las Guayanas, e teuas anezho ar pobloù galibi (kari'ñas) ha re all. En inizi, evel Enez Sant Visant, e voe mesket Afrikaned hag Indianed, ha hiriv e kaver o diskennidi en Honduras.

Yezh

E 1920 e varvas ar yezh gant ar c'haribeger diwezhañ.

Levrlennadur

Odile Gannier, Les derniers Indiens des Caraïbes : image, mythe et réalité, Ibis rouge éd., Matoury (Guyane), 2003, 516 p. (ISBN 2-84450-167-2)
Gérard Lafleur, Les Caraïbes des Petites Antilles, Karthala, Paris, 1992, 270 p. (ISBN 2-86537-346-0)
Ernesto Montenegro Perez, Le mythe des Caribes : l'émergence du discours ethnographique du XVI au XVIII siècle, Université Paris-Sorbonne, 2007, 2 vol., 461 p. (thèse d'Ethnographie)
(es) Julio C. Salas, Los Indios Caribes : estudio sobre el origen del mito de la antropofagia, Lux, Barcelona, 1921, 176 p.

Pennadoù kar