Kaozeal:Aberzhidigezh Izaag (Caravaggio)

Evel em eus lâret c'hoazh Aberzh zo kenkoulz hag aberzhidigezh ne zere ket da'm soñj.

Frazenn diaes da gompren.

Din-me, evit bezañ sellet ouzh kalz eus ar gerioù-se, e talvez an dibenn -idigezh evit merkañ un dra zo peurc'hraet. Koulskoude, pe e vin manac'h, n'eo ket bet lazhet. Kinniget eo bet an aberzh, n'eo ket bet sevenet.--Kadwalan 22 Eos 2007 da 16:39 (UTC)

Ur soñj personel dedennus. N'eo ket ma hini. Alioù tud all? Bianchi-Bihan 22 Eos 2007 da 16:45 (UTC)

Lakaomp

Sur-mat ez eus yezhoù all ha n'anavan ket (anavet marse get tud arall), a ra gant dibennoù evit merkañ un dra zo peurc'hraet (sic). Hervez Kadwallan e vije un dibenn idigezh e brezhoneg evit se. Me soñje din e oa ur rakger peur, ha trawalc'h gantañ. Lakaomp...

Lakaomp pemp munut e vije gwir. Ha gwelomp un toullad gerioù en idigezh, a zisplij kement amañ, hag a gaver e geriadur RH.

Peurc'hraet?

• ganedigezh? adc’hanidigezh? feiz ya moarvat!
• kevredigezh?!
• aloubidigezh? peuraloubet bro Stalin gant Hitler?
• abostolidigezh? evitpeurabostoliñ?
• dismantridigezh?
• c’hoantidigezh?
• hastidigezh
• gouestidigezh? petra zo peurc'hraet?
• tristidigezh? petra zo peurc'hraet?
• pinvidigezh? petra zo peurc'hraet?
• blizidigezh ? petra zo peurc'hraet?

Evidon, goude bezañ sellet ouzh kalz eus ar gerioù-se, evel a lavar Kadwallan, eo graet ma soñj. Bianchi-Bihan 22 Eos 2007 da 17:09 (UTC)

Evit en em soñjal da vat e vefe mat da gentañ lakaat kemm etre ar gerioù zo kaoz anezho (savet diwar ur wrizienn verb + idigezh) hag ar gerioù deuet eus un anv gwan e -idik, da skouer tristidigezh Patrom:Mousc'hoazh. Ha chom hep ijinañ re a c'herioù eus geriadur RH sañset. Me ne gavan ket gouestidigezh Patrom:Mousc'hoazh. Laka 'ta pemp munut c'hoazh. Ha skriv dindan ma gerig mar plij ganit ma chomo sklaer. --Kadwalan 22 Eos 2007 da 17:43 (UTC)

Onestiz

Mat e vije skrivañ mousc'hoa"r"zh, evel ma oa dleet din skrivañ gouest"l"idigezh, e-lec'h adskrivañ ar fazi graet en embannadur Al Liamm 2005 ( siriusoc'h e vije sevel pennadoù eget koll amzer gant seurt kaozioù, met ne reer ket atav pezh a garer).

N'em eus ijinet ger ebet. Arabat diskrediñ war onestiz ar genlabourerien , kouda?

Eveljust e c'haller gwelout daou zibenn "idigezh": met perak chom gant daou? tri? pevar? Kement hag ober.

Ne blij ket din ober e-lec'h ma vez lavaret din ober. Met evit ober plijadur dit ...

N'on ket bet 5 munut. Re bell amzer koulskoude. Bianchi-Bihan 22 Eos 2007 da 18:41 (UTC)

Merzet em eus n'emañ ket ar ger aberzhidigezh e geriadur RH zoken. N'emañ ket eta er geriadur Istorel. N'emañ ket a-du arall e geriadur Favereau N'eo ket ur ger testeniekaet mat. N'eo ket eta ur ger da vezañ implijet pa fell dimp sevel ur skrid en ur yezh eeun evit an holl.--Kadwalan 23 Eos 2007 da 16:48 (UTC)

Chikanerezh

Ar ger lonker a vo kavet e geriadur RH, ha ne vo ket kavet ar ger lonkerez na lonkidigezh zoken . Hervez doare soñjal Kadwallan e vijent neuze gerioù re ziaes. Setu ur soñj personel dedennus all, evit ar re dedennet gant seurt arguzennoù.

E geriadur RH ez eus ur pennad db ar gourfenn-gerioù, hag anv eus -idigezh.

Ma fell dit tennañ kuit ar gerioù "re ziaes evit an holl" (sic) e kinnigan dit kregiñ gant... lakaomp ar pennadoù war ar yezhoniezh, enne leun a c'herioù a'r seurt-se , ha n'emaint ket e geriadur RH.

Ha ne gomzan ket eus, petra din-me, ar pennadoù war ar studioù revel. Mard eo laou e penn an dud a glaskez, eno e kavi sof-kont.

Bez ez eus pennadoù e-leizh gant brezhoneg da wellaat, ma fell dit c'hoari reizhañ fazioù, e-lec'h klask tabut e-lec'h n'eus fazi ebet.

PS

E geriadur RH e kaver kavadenn ha kavidigezh. Peseurt kemm zo etreze? Danvez preder.

Bianchi-Bihan 23 Eos 2007 da 19:22 (UTC)

Goude un enklask war ar gwiad hag e-barzh un diaz, enni ouzhpenn 15 milion a c'herioù, ne gavan skouer ebet eus ar ger aberzhidigezh. Kompren a ran ar ger, gwir eo n'eo ke savet fall, e lec'h en defe moarvat en ur skrid lennegel. Amañ avat ez eo gwelloc'h chom hep ober gantañ, abalamour d'e ster, abalamour ma ne ra ket anv eus ur meiziad nevez, hag abalamour m'eo divoas-kenañ. Arabat krediñ e klaskan tabutal. Kalz pennadoù a adlennan ha traoù all em bez d'ober. Mont a rin moarvat da sellet ouzh pennadoù yezhoniezh pe me 'oar. A galon --Kadwalan 25 Eos 2007 da 14:18 (UTC)

Gwelout a ran ne gavez ket fall ar ger, setu emaomp daou da vihanañ.

Setu perak e rin gantañ.

Setu perak em eus adlakaet ar pennad en e anv orin.

A galon. Bianchi-Bihan 26 Eos 2007 da 05:32 (UTC)

Paouez

Mat e vije paouez gant ar c'hoari kemm-digemm. Ober a ra plijadur da lod met ne ro ket c'hoant da labourat da lod all. Bianchi-Bihan 26 Eos 2007 da 22:48 (UTC)

Kenderc'hel a ra Kadwalan gant e c'hoari. Bianchi-Bihan 27 Eos 2007 da 06:51 (UTC)

Te an hini a loc'has ar "c'hoari", pa oa bet kaoz eus ar c'hraf-se ganin kent, pa'z teus savet ur pennad en anv aberzhidigezh a-ratozh-kaer ha pa zalc'hez gant da "c'hoari". Gwir eo avat ez eo torr-penn. Kinnig a ran en em soñjal betek deroù miz Gwengolo. An 10 lakaomp. Amzer dimp da zistanañ pe da gaozeal en un doare sirius. D'ar c'houlz-se e vo muioc'hig a dud ivez war ar Wiki da reiñ o ali. A galon --Kadwalan 27 Eos 2007 da 13:31 (UTC)

Gwiroc'h e vije lavarout eo me a loc'has ar pennad (evel ar pennadoù all db Caravaggio, hag ar braz eus ar war al livourien). Sevel pennadoù sed aze kefridi wikipedia.

Ober diouzh alioù personel tud zo n'eo ket ur reolenn nag er yezhadur nag e wikipedia. Bianchi-Bihan 27 Eos 2007 da 17:02 (UTC)

Ne respontin ket da dagadennoù disol BB zo bet stanket evit an abeg-se.--Kadwalan 15 Gwe 2007 da 12:32 (UTC)

Aberzh/Aberzhidigezh: ma ali evel merour

Goude bezañ lennet an arguzennoù (war ar bajenn-mañ hag eilet diwar ma fajenn bersonel a-is) ec'h eo ma ali evel merour neptu wan ar c'hraf resis-mañ ober kentoc'h gant ar stumm "aberzhidigezh" evit envel ar pennad pennañ en ur sevel un adkas diwar ar stumm "aberzh". Dindan an titl-se an hini e oa bet krouet ar pennad-mañ d'am soñj (kollet eo bet al lodenn gentañ eus istor ar pennad) hag evel-se emañ bremañ ar pennad-mañ goude meur a gemm-digemm. Abegoù poellek ha reizh e-keñver semantik ha morfologiezh ar bezhoneg ez eus war a welan evit difenn lakaat an diforc'h etre "aberzh" hag "aberzhidigezh" ha neuze evit ober gant ar stumm "aberzhidigezh" en degouezh resis-mañ.

Merour (Neal) ^(Kaozeal) 19 Gwe 2007 da 11:04 (UTC)

Setu an arguzennoù bet kaozeet diwar o fenn war ma fajenn bersonel m'eo bet diazezet ma ali warne ganin:

Aberzh/Aberzhidihezh

Ur pennad n'eo ket re fall, a gavan, met Aberzhidigezh Izaag (Caravaggio) eo an anv reizh . Bianchi-Bihan 18 Gwe 2007 da 16:18 (UTC)

N'on ket re chalet na gant an eil stumm nag gant egile e gwirionez. Setu an daveoù am eus kavet:

• Roparz Hemon: "aberzh"
• Preder en linenn[1]: "aberzh"
• Favereau en linenn[2]: "aberzh"
• TermOfis en linenn[3]: "aberzh"

En em c'houlenn a ran koulskoude: marteze e c'hellfer lakaat an diforc'h etre ar perzh hollek ("aberzh") hag ur fed/degouezh resis ("aberzidigezh")?

Ha petra eo ar stumm implijet e trodigezh vrezhonek ar Bibl?

Neal ^(Kaozeal) 18 Gwe 2007 da 16:54 (UTC)

N'emañ ket ar Bibl ganin.

N'emañ ket an holl c'herioù er geriadurioù: manac'hez zo e geriadurig RH, lonkerez n'emañ ket. Koulskoude eo rouesoc'h an eil gouenn evit eben!

Ar gerioù savet ganit n'emaint ket er geriadurioù.

An dibennoù-gerioù avat zo er geriadurioù, met n'int ket graet evit chom er geriadurioù hepken, met evit servij. Bianchi-Bihan 18 Gwe 2007 da 17:13 (UTC)

N'emañ nemet an Testamant Nevez ganin e brezhoneg...

N'eo ket ar gerioù a vank hag a zo kaoz anezhe amañ met ar re a gaver er geriadurioù: "aberzh" a gaver en holl bet sellet oute ganin (re all 'zo avat, evel-just)

evel-just n'emañ ket meur a c'her savet ganin er geriadurioù (lod anezhe geo avat, evel-just!!). Disheñvel un tammig eo an afer-mañ avat, rak kavout a reer er geriadurioù ar ger "aberzh" (ha reoù all) met ne gaver ket "aberzidigezh". Petra 'ri? N'eus forzh penaos, non ket a-enep kaozeal diwar-benn nevezc'herioù bet savet ganin, met n'eo ket hennezh an afer m'emeur o komz diwar e benn amañ.

Goût a ran da betra e talvez an dibennoù-ger: justamanat em boa en em c'houlennet diwr-benn implij an dibenn-ger "-idigezh" en degouezh-mañ evit lakaat un diforc'h semantikel etre "aberz" hag "aberzhidigezh". N'eo ket bet respontet din na ganit na gant den ebet all war ar c'hraf resis-se siwazh, rak ma teufer unan bennak da diskwel eo poellek un diforc'h a seurt-se e vef krenvaet da arguzenn-te evit difenn ar stumm aberzhidigezh".

Ur wezh all: n'on ket re chalet na gant an eil stumm na gant egile.

Ma'c'h eo evel merour mac'h ez e darempred ganin war ar c'hraf-mañ e rankin lâret avat ne gavan abeg ebet evit implijout ar stumm "aberzhidigezh" kentoc'h evit ar stumm "aberzh".

marteze e vefe mat goulenn o ali war eeun ouzh digant an holl verourion all?

Neal ^(Kaozeal) 18 Gwe 2007 da 17:43 (UTC)

Hervez Vallée

• Ar ger aberzh zo deuet eus ar c'hembraeg, ha gwir zo d'e vrezhonekaat, evel ma'z eo bet brezhonekaet "valise" d'ober "ur valizenn" ha métathèse d'ober "metatezenn".
• N'emaomp ket amañ o klask paouraat ar yezh, met o klask he finvidikaat gant un toullad pajennoù diwar-benn un danvez ha ne vo ket kavet aze biken:[[4]]
• Setu skrid Vallée, e pajenn XIX e c’heriadur: “les substantifs en –edigez, -idigez sont, par suite, suivis le plus souvent de leurs compléments c’est à dire des noms qui sont l’objet de l’action: oberidigez eur werz… kemeridigez eur c’hréñvlec’h."

Ha diwar-se e ran ar c'hemm etre aberzh Abraham, hag aberzhidigezh Izaag. Bianchi-Bihan 18 Gwe 2007 da 20:55 (UTC)

Setu: kregiñ a ran da welet un tammig sklaeroc'h. dres evel em boa en em c'houlennet neuze... "Aberzh Izaag" = saozneg "Isaac's sacrifice" ("The sacrifice made by Isaac) kv. "Aberzhidigezh Izaag" = saozneg "The sacrifice of Isaac" ("The sacrifice made of Isaac by Abraham). poellek e hañval bezañ an diforc'h-se ha reizh e-keñver semantik ha morfologiezh ar brezhoneg. marteze e vefe mat kaout ali un benank all hag embann an tamm kaozeadenn-mañ war ar bajenn-gaozeal stag ouzh ar pennad m'emeur o kaozeal diwar e benn evit klask tizhout un emglev diwar-benn an daore da envl ar pennad-se. Hervez an displegadennoù bet roet amañ ganit, m'am eus komprenet mat, e tifennfen a-walc'h ar stumm "aberzhidigezh".

A galon, Neal ^(Kaozeal) 19 Gwe 2007 da 06:40 (UTC)

Un dra all zo a-bouez: gwir pep hini da ober gant ar gerioù a gar ma n'int ket diboell: da betra ober ur brezel war ur ger ha n'eo ket fall? Gant an amzer gollet o tifenn ur ger amañ, ur pennad ahont, e vije savet pennadoù all. Bianchi-Bihan 19 Gwe 2007 da 06:46 (UTC)

Un afer all eo hennezh. da gentañ-penn, ha gallout a rafes lâret hag-eñ em eus komprenet mat da displegadennoù war ar c'hraf-mañ pe get mar plij evit ma c'hellfen klask lakaat an dra da vont war-raok betek tizhout un diskolm da vat? Trugarez en a-raok, Neal ^(Kaozeal) 19 Gwe 2007 da 07:15 (UTC)

Ne welan ket pelec'h e vije fallgompren. Bianchi-Bihan 19 Gwe 2007 da 07:28 (UTC)

Enebiñ a ran ouzh implij ar ger aberzhidigezh amañ abalamour da ster ar ger (un dra c'hraet pe disoc'h un ober tra ma n'eo ket seveneaet an aberzh) hag abalamour d'e stankter en testennoù. Arguzenn nevez ebet gant BB. C'hoant en dez da ober ar pezh en deus c'hoant en desped da gement arguzenn a c'haller da reiñ. Disklêriañ a ra e plijfe dezhañ tremen e amzer o sevel pennadoù e-lec'h tabutal met ne gredan ket e plijfe nebeutoc'h din.

N'em eus ket kavet ar ger aberzhidigezh e troidigezh ar Bibl e brezhoneg lakaet enlinenn. Ne'm eus ket kavet ar ger-se zoken em diaz testennoù (en tu all da 15 milion a c'herioù, gant kalz skridoù a denn d'ar relijion). N'emañ ket er geriadurioù. Gwir eo n'emañ ket an holl c'herioù er geriadurioù met peurliesañ e kaver gerioù testeniekaet mat enne hag ar re n'int ket 'barzh peurliesañ n'int ket implijet stank. Setu e vefe un abeg dija evit ober gant ur ger testeniekaet mat ha splann e ster k entoc'h evit ober hervez choaz BB.

Hervezañ, bremañ, e vefe ret brezhonekat aberzh gant -idigezh. Biskoazh kemend-all!! Aberzh n'eo ket brezhonek a-walc'h ha ne oa ket gwelet an dra-se gant an holl skrivagnerien ha rac'h ar c'heriadurourien o doa graet gant ar ger. Setu ur gavadenn all! Trugarez BB. Ha gallout a rafe brezhonekaat ur ger o stagañ forzh peseurt lostger hep teurel evezh ouzh o ster....

Brav eo klask displegañ e soñj a-benn ar fin diwar-benn skrid Vallée, pezh n'en doa ket graet biskoazh betek-henn met testenn Vallée ne laka ket kemm etre aberzh hag aberzhidigezh. Ne ra ken 'met stadañ : “les substantifs en –edigez, -idigez sont, par suite, suivis le plus souvent de leurs compléments c’est à dire des noms qui sont l’objet de l’action: oberidigez eur werz… kemeridigez eur c’hréñvlec’h." Ne lavaran ket ar c'hontrol met ne lavar neblec'h ar pezh a fell da BB lakaat anezhañ da lavaret. Dega a rin un nebeud skouerioù diwezhatoc'h--Kadwalan 20 Gwe 2007 da 09:20 (UTC)

Kompren a ran e klask Bianchi-Bihan sklaeraat an dro-lavar, met n'on ket kendrec'het pa n'eo ket bet termenet aberzhidigezh er Wiki (pe en e unan pe dindan ar pennger aberzh) ha ne c'heller ket kavout daveoù da ouzhpennañ, ar pezh a zo ur gudennig memestra. N'eo ket difennet groñs sevel gerioù nevez en tachennoù fraost, met amañ hon eus ur ger dija (aberzh). P'eo Izaag an aberzhad, posubl e vije bet ober gant aberzhadenn ivez. Erfin, hervez Geriadur An Here, aberzh + anv-den a dalvez evit aberzhiñ an den pe an emaberzhiñ. Ma vije kaoz eus an aberzh lidet gant Abraham e vije da skrivañ "an aberzh lidet pe graet pe ginniget gant Abraham" hag Aberzh Izaag a zo sklaer d'an holl, d'am soñj. --Ch. Rogel 21 Gwe 2007 da 22:20 (UTC)

diouzh ma komprenan, ha n'eo ket din-me da difenn sav-poent B-B na hini Kadwalan evel-just, met klask o c'hompren ar gwellañ ma c'hellan an hini eo a ran: daoust ha ma kaver ar ger "aberzh" er geriadurioù holl eo bet savet gant B-B, hervez reolennoù morfologel ha semantikel ar brezhoneg, un termen nevez "aberzhidigezh" evit lakaat ar c'hemm etre ur perzh ("aberzh") ha disoc'h un ober ("aberzhidigezh"), o sklaeraat dre-se ar fed m'eo Izaag an hini bet roet da "aberzhadenn" kentoc'h evit bezañ Izaag an hini bet roet an "aberzhadenn" gantañ. kompren a rafen-me, evel ma c'heller gwelet er skouerioù-mañ, e vefe disheñvel koulz diouzh "aberzh" hag "aberzhidigezh" an termen "aberzhadenn" hag a implijfen kentoc'h evit ar pezh fetis roet dre "aberzh"... pinvidik-meur eo morfologiezh ar brezhoneg hag talvezout a ra evit sklaeraat displannderioù a c'hell sevel e yezhoù all evel ar galleg pe ar saozneg (d.s. saozneg: "Aberzh Izaag" = "the sacrifice by Isaac/Isaac's sacrifice" kv. "Aberzhidigezh Izaag" = "the sacrifice of Isaac/Isaac's sacrifice", galleg: "le sacrificie d'Isaac"). Neal ^(Kaozeal) 22 Gwe 2007 da 06:12 (UTC)

Eneberezh Kadwalan

Bez e c'haller lenn arguzennoù Kadwalan, hep bezañ a-du gantañ.

Enebiñ a ran, emezañ: n'en deus ket d'ober. Gallout a rafe sevel, krouiñ... N'eo ket ret dezhañ bezañ a-du ganin, n'eo ket ret ivez enebiñ ouzh ma labour (ha ne blij ket dezhañ, se am boa komprenet diouzhtu), traoù all zo d'ober er wikipedi eget c'hoari kemm un anv 5 pe 6 gwech abalamour d'un dizemglev

Enebiñ a ran ouzh implij ar ger aberzhidigezh amañ abalamour da ster ar ger (un dra c'hraet pe disoc'h un ober tra ma n'eo ket seveneaet an aberzh). Adlavarout a ran eo ur soñj personel, diazezet war skrid ebet. Adlavarout a ran, peogwir ne oa ket bet lennet ma arguzenn, e komzer eus aloubidigezh an Unaniezh Sovietek gant armeoù Hitler ha koulskoude ne oant ket erru e Vladivostok.

...hag abalamour d'e stankter en testennoù. Ar gerioù pedofiliezh ha heñvelrevelezh ha nouspet kant all er wikipedia n'int ket stank en testennoù a veze lennet gant ma mamm-gozh, ha goude? Talvezout a rafe an arguzenn ma vijemp o sevel kanaouennoù evit bugale.

Ma ya da gemm anvioù ar pennadoù a zo bet anvet gant gerioù ha ne gav ket er geriadurioù, en deus labour d'ober! Ha koulz deomp paouez a gomz eus pennadoù holloueziadurel, hag ober traoù all.

Em geriadur e kavan: muntridigezh. Ha ne gavan ket lazhidigezh. Piv a zeuio da zifenn ouzhin-me ober gant lazhidigezh? Kadwalan? Gallout a rafen sevel ur pennad dwar-benn strizhimplij ar geriadur.

An dibennoù-gerioù zo graet evit bezañ implijet.

Skrivañ a ra Kadwalan: Hervezañ, bremañ, e vefe ret brezhonekat aberzh gant -idigezh. Gaou. Pelec'h em eus skrivet kement-se?

Un diforc'h zo etrezomp: me ne laran ket dezhañ petra a rank ober. Graio a garo, gant ma ne daio ket da lakaat e zibaboù yezh personel da ren em labour, pa'z eo kenkoulz ma dibab-me, arguzennet kenkoulz hag e hini (met gwelloc'h arguzennet e kavan ma hini, petra 'ri?) pa savan pennadoù evit o implij er skol-noz, gant ar gerioù am eus dibabet, ha goude prederiañ un tamm memes tra: ma ne soñjomp ket heñvel n'eus droug ebet, keit ma ma ne glasko den lakaat egile da blegañ.

Skrivet en deus uheloc'h: Ne respontin ket da dagadennoù disol BB zo bet stanket evit an abeg-se.--Kadwalan 15 Gwe 2007 da 12:32 (UTC), pa ne oa tagadenn ebet.

Skrivañ a ra hiriv diwar ma fenn: Ha gallout a rafe brezhonekaat ur ger o stagañ forzh peseurt lostger hep teurel evezh ouzh o ster..... Setu

• un ijinadenn splann (lakaet splannoc'h gant implij an doare-divizout)
• ur gunujenn: ma ne zislar ket e savin klemm.

Met n'on ket eveltañ: n'in ket da c'houlenn serriñ e gont evit keloù ur gunujenn. Bianchi-Bihan 20 Gwe 2007 da 10:20 (UTC)

Sioulaomp un tammig

Kompren mat a ran an arguzennoù bet degaset gnt an daou du. Sklaeraat mat int bet d'am soñj bremañ. Evit diskoulmañ an tamm kudennig e vefe mat bremañ: 1) leuskel ar pennad emal m'emañ betek ma vo bet tizhet un emglev ledanoc'h 2) gortoz un tammig: da lâret eo paouez B-B ha K da skrivañ nement ma vefe evit degas arguzennoù nevez 3) goulenn war-eeun o ali digant ar verourion all dre ma ne gemer ket perzh, war a welan, kenlabourerion/ezed all (kas a rin ur gerig d'ar verourion all), en ur c'hoût n'hall ket merourion bet kemeret perzh gant ur sav-poent personel resis kemer perzh da c'houde evel merourion evit tizhout un emglev. Merour (Neal) ^(Kaozeal) 19 Gwe 2007 da 11:04 (UTC)

Diziverket eo bet ganin istor ar bajenn. Mod all, n'am eus ket un ali war an titl da reiñ, daoust ma z'on kendrec'het a-walc'h gant an arguzennoù yezhoniel evit ober gant "aberzhidigezh". N'ont ket chalet gant an nevez-c'herioù, gant ma vint savet en un doare poellek. Benoni ^(Kaozeadenn) 20 Gwe 2007 da 11:17 (UTC)

Mank

Mankout a ra an tamm kentañ eus an istor: ganin eo bet krouet ar bajenn. Kemm-anv kentañ Kadwalan a seblant bezañ bet graet d'an 22 a viz Eost. Bianchi-Bihan 20 Gwe 2007 da 11:26 (UTC)

Hervez an istor eo bet krouet ar bajenn ganit d'an 22 a viz eost da 18e29. Ar c'hentañ kemm anv a zo bet graet gant Kadwalan d'ar 25 a viz eost da 16e19. Ne vank tamm ebet eus an istor din da c'hoût. Benoni ^(Kaozeadenn) 20 Gwe 2007 da 13:19 (UTC)

Ne rin ket charre gant se, met ne welan nemet bet ar 27 Eost. Kevrinus. Bianchi-Bihan 20 Gwe 2007 da 13:35 (UTC)

Dre fazi ar c'hemmoù ha digemmoù, diverkadennoù hag all, penn-kentañ an istor a zo war ar bajenn Aberzh Izaag. Benoni ^(Kaozeadenn) 20 Gwe 2007 da 13:42 (UTC)

Hervez istor ar pennad (war ar bajenn-mañ [5]) e oa bet graet ar c'hentañ kemm d'an 22 a viz Eost da 20:33. --Llydawr 20 Gwe 2007 da 16:57 (UTC)

Ket. Pe neuze ne welomp ket ar memes tra. Benoni ^(Kaozeadenn) 20 Gwe 2007 da 17:55 (UTC)

Da'm soñj e welomp ar memes tra, met ne gomzomp ket diwar-benn ar memes tra. Ar c'hentañ kemm Aberzhidigezh/Aberzh a oa bet d'an 22 a viz Eost da 18:33(UTC). Ar c'hentañ kemm titl a oa bet d'ar 25 a viz Eost da 14:19(UTC).--Llydawr 20 Gwe 2007 da 20:14 (UTC)

Ya, war ar poent-se on a-du ganit. Benoni ^(Kaozeadenn) 20 Gwe 2007 da 20:44 (UTC)

Taolenn

Trist e kavan ne vijen ket deuet a-benn da lakaat an daolenn gentañ en he fezh (n'eus nemet ur munudig), klasket em boa he zapout diwar ar wiki saoz, met bou e oan chomet. Ma c'hallje unan bennak sikour, gracinhas. Bianchi-Bihan 20 Gwe 2007 da 17:45 (UTC)

eilet war ar servijer: Caravaggio_Sacrifice_of_Isaac_I.jpg

Neal ^(Kaozeal) 20 Gwe 2007 da 18:14 (UTC)

Graet eo! Bianchi-Bihan 22 Gwe 2007 da 07:38 (UTC)