Joseph Conrad

Joseph Conrad

den

Reizh pe jener	paotr
Anv ganedigezh	Józef Teodor Konrad Korzeniowski
Anv-bihan	Joseph, Józef, Teodor, Konrad
Anv-familh	Conrad, Korzeniowski
Deiziad ganedigezh	3 Kzu 1857
Lec'h ganedigezh	Terekhove
Deiziad ar marv	3 Eos 1924
Lec'h ar marv	Bishopsbourne
Doare mervel	abeg naturel
Abeg ar marv	myocardial infarction
Lec'h douaridigezh	Canterbury City Cemetery
Tad	Apollo Korzeniowski
Mamm	Ewa Korzeniewska
Pried	Jessie George
Kar	Stefan Bobrowski, Aniela Zagórska, Tadeusz Bobrowski
Familh	Nałęcz, Q63532412
Yezhoù komzet pe skrivet	saozneg, poloneg
Yezh implijet dre skrid	saozneg
Tachenn labour	fiction
Bet war ar studi e	Bartłomiej Nowodworski High School
Deroù ar prantad labour	1895
Dibenn ar prantad labour	1926
Strollad etnek	Poles
Relijion pe kredenn	dizoueegezh
Diellaouet gant	University of Leeds Libraries, Beinecke Rare Book & Manuscript Library, Harry Ransom Center
Oberennoù zo en dastumad	Minneapolis Institute of Art, The Nelson-Atkins Museum of Art
Luskad	modernist literature
Tachenn	novella
Levezonet gant	Adam Mickiewicz, Juliusz Słowacki, Shakespeare, Victor Hugo
Darvoud-alc'hwez	Nazi book burnings
Statud e wirioù aozer	Ar gwirioù aozer ne dalvezont ket ken

 

 Eus Wikidata

Joseph Conrad e 1904

Joseph Conrad a oa ur skrivagner saoznek genidik eus Polonia. Sellet a reer outañ evel unan eus brasañ romantourien ar bed saoznek. Daoust ma ne oa ket ar saozneg e yezh kentañ ha ma komze ar yezh-se gant ur pouez-mouezh polonek, e teuas da vezañ barrek war ar saozneg skrivet ha degas a reas d’al lennegezh saoznek skridoù dezho ur gizidigezh eus an estrenvro. Skrivañ a reas romantoù ha danevelloù, kalz anezho o tennañ da ved ar mor.

Józef Teodor Konrad Korzeniowski e oa e anv pa voe ganet, en ur familh Poloniz nobl eus kornôg Impalaeriezh Rusia, d’an 3 a viz Kerzu 1857. Dont a reas da vezañ keodedour eus Breizh-Veur e 1886, met a-hed e vuhez e sellas outañ e-unan evel ur Polonad. Mervel a reas, diwar un taol kalon, e Bishopsbourne, e Kent, e Bro-Saoz, d’an 3 a viz Eost 1924.

Desavet e voe el lodenn eus Polonia a oa en Impalaeriezh Rusia. Mervel a reas e vamm hag e dad pa oa yaouank ha desavet e voe ar paotr gant un eontr dezhañ. Kuitaat a reas ar skol da 17 vloaz da vont da vartolod war ur vag kenwerzh gall. E-pad un nebeud bloavezhioù e voe o vont hag o tont war vor, eus ar Mor Kreizdouar betek Suamerika. Goude se ez eas e bourzh bigi saoz, da vont war-zu Afrika, India ha broioù all c’hoazh, hag evel-se e teskas saozneg hag en em staliañ e Bro-Saoz.

War vor e krogas da sevel skridoù e saozneg. D’an oad a 36 vloaz e paouezas gant e vicher moraer, abalamour da gudennoù yec’hed hag abalamour ma felle dezhañ dont da vezañ skrivagner a vicher. An anv saoznek a reas gantañ evit sinañ e levrioù, Joseph Conrad, ne oa nemet ur saoznekadur eus e anv polonek Józef Teodor Konrad Korzeniowski. Awenet e voe gant e veajoù war vor da sevel romantoù evel Lord Jim (1900), Nostromo (1904) pe The Secret Agent (1907), pe c’hoazh Heart of Darkness. Diwar Heart of Darkness e voe graet ur film, gant Francis Ford Coppola, hag a dremene e Vietnam er bloavezhioù 1970 avat, pa c’hoarveze an istor orin e trevadennoù Afrika en XIX^vet kantved.

E oberenn gentañ e voe Almayer’s Folly, skrivet e 1895, pa oa 38 vloaz. Ouzhpenn ar poloneg, e yezh vamm, hag ar rusianeg, yezh ofisiel e vro orin, e ouie galleg en doa desket war vor. Hag en ur bevare yezh, ar saozneg, e oa bet o skrivañ e levr. Renkañ a reer e oberenn etre lennegezh klasel skrivagnerien evel Charles Dickens pe Fyodor Dostoyevskiy ha skolioù lennegel modern an XX^vet kantved.

Romantoù

• Almayer's Folly (1895)
• An Outcast of the Islands (1896)
• The Nigger of the 'Narcissus' (1897)
• Heart of Darkness (1899)
• Lord Jim (1900)
• The Inheritors (gant Ford Madox Ford) (1901)
• Typhoon (1902, begun 1899)
• The End of the Tether (1902)
• Romance (gant Ford Madox Ford, 1903)
• Nostromo (1904)
• The Secret Agent (1907)
• Under Western Eyes (1911)
• Chance (1913)
• Victory (1915)
• The Shadow Line (1917)
• The Arrow of Gold (1919)
• The Rescue (1920)
• The Nature of a Crime (gant Ford Madox Ford, 1923)
• The Rover (1923)

Danevelloù

• "The Black Mate" (skrivet e 1886, embannet e 1908)
• "The Idiots" (skrivet hag embannet e 1896)
• "The Lagoon" (skrivet e 1896, embannet e 1897)
• "An Outpost of Progress" (skrivet e 1896, embannet e 1897)
• "The Return" (skrivet e 1897, embannet 1898)
• "Karain: A Memory" (skrivet hag embannet e 1897)
• "Youth" (skrivet e 1898, embannet e 1902)
• "Falk" (1901)
• "Amy Foster" (1901)
• "To-morrow" (1902)

Ha meur a hini all

Liammoù diavaez

• The Joseph Conrad Society (UK)
• Joseph Conrad Society of America
• Biography of Joseph Conrad e lec’hienn The Joseph Conrad Centre of Poland
• Biography of Joseph Conrad el lec’hienn The Literature Network
• Joseph Conrad el lec’hienn culture.pl
• Works by Joseph Conrad el lec’hienn The Online Books Page