Jessica Alba

Eus Wikipedia
Sauter à la navigation Sauter à la recherche
Jessica Alba e 2005

Jessica Marie Alba, ganet d'an 28 a viz Ebrel 1981, zo un aktourez ha maouez a aferioù stadunanat. Krog e oa da labourat evel aktourez er skinwel ha filmoù pa oa oadet a 13 vloaz e Camp Nowhere ha The Secret World of Alex Mack (1994), met brud he doa tapet pa oa hi 19 vloaz, evel aktourez pennañ er stirad skinwel Dark Angel (2000–2002). Anvet e oa bet evit ur Golden Globe.

Goude-se e doa graet berzh er film Honey (2003). Dilojet e oa da Hollywood. Deuet eo a-benn da c'hoari e filmoù o deus graet berzh er box office evel Fantastic Four (2005), Fantastic Four: Rise of the Silver Surfer (2007), Good Luck Chuck (2007), The Eye (2008), Valentine's Day (2010), Little Fockers (2010), pe Mechanic: Resurrection (2016). Alies eo bet o labourat gant ar sevener filmoù Robert Rodriguez, ha c'hoariet he deus er filmoù Sin City (2005), Machete (2010), Spy Kids: All the Time in the World (2011), Machete Kills (2013), hz Sin City: A Dame to Kill For (2014).

Alba he deus kengrouet an embregerezh The Honest Company, a werzh dafar evit ar babigoù hag evit derc'hel an tiez. Kelaouennoù evel Men's Health, Vanity Fair hag FHM o deus lakaet anezhi war o listenn eus ar bravañ maouezed er bed.