Jenovefa

Jenovefa zo un anv-badez brezhonek, deuet eus an anv gallek Geneviève, Genovefa e latin, anv ur santez eus Pariz war-dro ar V^vet kantved.

Gerdarzh

Un anv a orin germanek e vefe. Kenowefa /Kenuwefa a vefe savet diwar ken- « gouenn » ha wefa « maouez », kar d'ar ger saoznek wife.

Adstumm

Vefa eo ar stumm bihanaat.

Yezhoù all

• Genevieve e saozneg
• Geneviève e galleg. Berraet e Ginette
• Genoveva en izelvroeg, portugaleg ha spagnoleg
• Genoveffa en italianeg
• Genowefa, e poloneg

E spagnoleg e vez droukvesket alies gant Ginebra, hag en italianeg gant Ginevra, anvioù deuet eus mojenn ar Roue Arzhur (Guinevere e saozneg, Guenièvre e galleg)

Tud

• Santez Jenovefa (war-dro dibenn IX^vet kantved), leanez ha santez vrezhon, c'hoar da Sant Edern
• Vefa Sant-Pêr (1872-1963), skrivagnerez vrezhonek
• Vefa de Bellaing (1909-1998), skrivagnerez vrezhonek, bet o ren KEAV e-pad meur a vloaz
• Jenovéfa Boková (1992), aktourez tchek

Lennegezh

• Jenovefa Rustefan, e Barzaz Breiz
• Jenovefa a Vraban, mister krennvrezhonek