James Joyce

James Joyce
James Joyce war-dro 1918.
Obererezh	Romantour, daneveller, barzh
Ganedigezh	D'an 2 a viz C'hwevrer 1882, e Dulenn, Iwerzhon
Marv	D'an 13 a viz Genver 1941 Zürich, Suis
Yezh skrivañ	Saozneg
Rumm lennegel	Nouveau roman
Oberennoù pennañ
Dubliners ("Dulenniz", 1914) Portrait of the Artist as a Young Man ("Poltred eus an Arzour en e zen yaouank", 1916) Ulysses ("Ulises", 1922) Finnegans Wake ("Noz-veilh Finnegan", 1939)
kemmañ

James Augustine Aloysius Joyce (iwerzhoneg Séamus Seoighe), ganet d'an 2 a viz C'hwevrer 1882 e Dulenn (Iwerzhon) ha marvet d'an 13 a viz Genver 1941 e Zürich (Suis), a oa ur romantour hag ur barzh iwerzhonat divroet a seller outañ evel unan eus ar skrivagnerien eus an XX^vet kantved o deus bet al levezon ar brasañ. Anavezet eo dreist-holl abalamour d'e romant Ulises. E oberennoù pennañ zo un dastumad danevelloù anvet Tud Dulenn (1914) ha romantoù : Dedalus (1916), Ulises (1922), ha Finnegans Wake (1939), hag ar romant Poltred eus an Arzour en e zen yaouank zo hogos ur buhezskrid (1916).

Daoust dezhañ bezañ tremenet ar pep brasañ eus e vuhez e diavaez Bro-Iwerzhon ez eo gwriziennet start e ved faltaziek e kêr Dulenn, a bourchas dezhañ al leurenn hag ar pep brasañ eus an danvez evit e skridoù faltazi. Adkavout a reer en e oberenoù eñvorennoù e vuhez : e diegezh, an darvoudoù, mignoned (hag enebourien) eus amzer ar skol hag eus hini ar skolaj.

Dont a reas da Vreizh e miz Gouere 1924^[1] ha eñ tremen daou vizvezh etre Sant-Maloù, Kemper, Karnag ha Gwened. Diwar e veaj e chom kaieroù notennoù war-dro 150 pajenn en deus skrivet^[2]. Gouzout a ouier en deus lennet La Villemarqué, Sauvé ha dedennet-kaer eo bet gant ar yezh. Implijout a ra ar brezhoneg en e levr Finnegans wake^[3] e touez an 70 yezh a ra gante.

E oberennoù

Barzhonegoù

The Holy Office (1904)
Chamber Music (1907)
Gas from a burner (1912)
Poems penyeach (1927)
Collected Poems (1936)

Romantoù

A portrait of the Artist as a Young Man (1916)
Ulysses (1922)
Finnegans Wake (1939)
Stephen the hero (1944)

Danevelloù

Dubliners (1914)

Pezhioù-c'hoari

Exiles (1918)

E brezhoneg

An digoll (danevell) e-barzh Al Liamm niv. 25 (troet gant Per Denez)
Dulenniz e oant (romant), Embannadurioù An Alarc'h, 2022, 287 p. (troet gant Herve ar Beg)

Levrlennadur

Joyce et Cie, Théorie des exceptions, Philippe Sollers, Folio essais Gallimard n°28
James Joyce (Dubliners, A portrait...), gant Ophrys (dastumad "Des auteurs et des Œuvres") gant Lorie-Anne Duech.
Aozer kreiz e graphic novel emvuhezskrid Alison Bechdel : Funeral Home (Denoël)
Skrid levrlennadurel [1]
Richard Ellmann, Joyce, Gallimard, 1962
Stéphane Jousni, Les vacances de M. Joyce en Bretagne 'mar pliche, in La France et l'Irlande, destins croisés (16è-21è siècles), Presses Universitaires Du Septentrion, 2013. ⟨halshs-01116792⟩

Commons

Muioc'h a restroù diwar-benn

James Joyce

a vo kavet e Wikimedia Commons.

Liammoù diavaez

Bernez Rouz, Quand James Joyce rencontre la langue bretonne et l'utilise dans son chef d'oeuvre Finnegans Wake, Le trésor du breton écrit, miz Eost 2025

(en) Lec'hienn gouestlet da James Joyce Derek Attridge, The Finnegans Wake notebook ar Buffalo
(fr) Buhez
(en) Skeudennoù

Daveennoù

↑ (fr) Stéphane Jousni, Les vacances de M. Joyce en Bretagne 'Mar pliche, in La France et l'Irlande, destins croisés (16è-21è siècles), Presses Universitaires Du Septentrion, 2013. ⟨halshs-01116792⟩
↑ Finnegans Wake’ Notebooks at Buffalo, karned VI.B.14
↑ (en) Dannis Rose, Breton in Finnegans Wake, in Wake Newslitter, miz Kerzu 1978.

[1] (fr) Stéphane Jousni, Les vacances de M. Joyce en Bretagne 'Mar pliche, in La France et l'Irlande, destins croisés (16è-21è siècles), Presses Universitaires Du Septentrion, 2013. ⟨halshs-01116792⟩

[2] Finnegans Wake’ Notebooks at Buffalo, karned VI.B.14

[3] (en) Dannis Rose, Breton in Finnegans Wake, in Wake Newslitter, miz Kerzu 1978.

[1]

[2]

[3]