James Dean

Eus Wikipedia
James Dean

James Dean (c. 1953)

Ganedigezh 8 a viz C'hwevrer 1931
Marion, Indiana
Banniel ar Stadoù-Unanet Stadoù-Unanet
Marv 30 a viz Gwengolo 1955
Cholame, Kalifornia
Banniel ar Stadoù-Unanet Stadoù-Unanet
Broadelezh Stadunanat
Abeg ar marv Gwallzarvoud karr-tan
Douaridigezh Fairmount, Indiana
Banniel ar Stadoù-Unanet Stadoù-Unanet

Micher Aktour
Resped 1950-1955
Pennoberenn Rebel Without a Cause
("Rebell digrog", 1925)

Ur Porsche 550 Spyder
e-tal ar preti James Dean e Praha
En ur c'harr heñvel e varvas an aktour

James Byron Dean, bet ganet d'an 8 a viz C'hwevrer 1931 hag aet da Anaon d'an 30 a viz Gwengolo 1955, a oa un aktour stadunanat.

Brudet eo evel un ikon sevenadurel evit ar grennarded kerseet hag en o unan, evel ma oa bet embannet en e ditl er film Rebel Without a Cause (1955). Er film-se e c'hoarias roll Jim Stark, ur c'hrennard o stourm a-enep kudennoù an oad-se.
Daou roll all o deus degaset brud bras da James Dean : Cal Trask er film East of Eden (1955) ha Jett Rink er film Giant (1956).

Marv trumm James Dean en ur gwallzarvoud karr-tan a roas dezhañ ur statud a vojenn. Bez' e voe an aktour kentañ o vezañ enoret goude e varv gant un Academy Award for Best Actor.
Chom a ra hiziv-an-deiz c'hoazh an aktour nemetañ o vezañ bet lakaet div wech war ar renk evit prizioù goude bezañ marvet. E 1999, an American Film Institute a lakaas anezhañ da dizhout an 18vet plas evel aktour.

Yaouankiz[kemmañ | kemmañ ar vammenn]

James Byron Dean a voe ganet d'an 8 a viz C'hwevrer 1931, er ranndi Seven Gables e korn ar 4th Street ha McClure Street e Marion, Indiana. Ar bugel nemetañ eo da Winton Dean ha Mildred Marie Wilson. Saoz eo orin pennañ James Dean, hag un nebeud orinoù alaman, iwerzhonat, skosat ha kembreat a gaver ivez.
Hervezañ e oa ivez orinoù indian-amerikan a-berzh e dad, hag ar vamm (hervezañ c'hoazh) a vefe bet ezel eus ul «linenn trevadennerien deuet dre ar vag Mayflower ».

Filmlennadur[kemmañ | kemmañ ar vammenn]

Bloaz Titl Roll Rener Notennoù
1951 Fixed Bayonets! Doggie Samuel Fuller Meneg ebet eus James Dean en arlizh.
1952 Sailor Beware Gourdoner Boks Hal Walker
1952 Deadline – U.S.A. Kazetenner yaouank Richard Brooks
1952 Has Anybody Seen My Gal? Krennard er feunteun Soda Douglas Sirk
1953 Trouble Along the Way Arvester Football Michael Curtiz
1955 East of Eden Cal Trask Elia Kazan Golden Globe Special Achievement Award for Best Dramatic Actor
Jussi Award for Best Foreign Actor
Anvet;– Academy Award for Best Actor
Anvet;– BAFTA Award for Best Foreign Actor
1955 Rebel Without a Cause Jim Stark Nicholas Ray Anvet;– BAFTA Award for Best Foreign Actor
1956 Giant Jett Rink George Stevens Anvet;– Academy Award for Best Actor, (Roll diwezhañ)

Commons
Commons
Muioc'h a restroù diwar-benn

a vo kavet e Wikimedia Commons.