J.E.B. Stuart
James Ewell Brown Stuart, lesanvet Jeb, Beauty pe Knight of the Golden Spurs, ganet d'ar 6 a viz C'hwevrer 1833 hag aet da Anaon d'an 12 a viz Mae 1864, a oa un ofisour en United States Army. Eus Stad Virginia e oa, ha deuet e oa da vezañ ur jeneral kengevreet e Lu Stadoù Kengevreet Amerika e-pad Brezel diabarzh Stadoù-Unanet Amerika.
Graet e veze "Jeb" anezhañ gant e gamaladed, dre lizherennoù kentañ e anv. Stuart a oa ur c'homandant er marc'hegerezh ; brudet e oa evit bezañ ur mailh war an ergerzhadennoù milourel. Mestr e oa ivez war implij ar marc'hegiezh gant un doare tagus evit reiñ harp a-raok hag e-pad an emgannoù bras.
Plijet e oa o sevel dezhañ e-unanur skeudenn marc'heger (kasketenn c'hriz gant ul linenn ruz, gouriz melen, pluennoù ouzh an tog, bleunioù ruz ouzh e unwisk, ha four-kologn evit ar c'hwezh-vat), met sirius e oa en e labour, ar pezh a lakas anezhañ da vezañ daoulagad ha divskouarn ar jeneral kengevreet Robert E. Lee. Ur skouer e oa deuet da vezañ evit soudarded ar Su : ur soudard ampart, ur bourc'hiz (gwisket cheuc'h, seven, gant deskamant) penn-kil-ha-troad. Klasket en devoa e-pad e vuhez soudard bezañ marc'heg ar Su, kadour ampart met gant truez evit e enebourien drec'het.
Tro-dro da J.E.B Stuart
[kemmañ | kemmañ ar vammenn]- An tank M3 Stuart a oa bet anvet diwarnañ.