Jerome David Salinger

Jerome David Salinger, pe J. D. Salinger (hervez a zo skrivet war goloioù e levrioù), ganet d'an 1 a viz Genver 1919 e New York ha marvet d'ar 27 a viz Genver 2010 e Cornish (New Hampshire), a oa ur skrivagner stadunanat, brudet gant e romant The Catcher in the Rye.

J. D. Salinger a oa ganet e New York ha savet en ur familh mat ar stal ganti e karter an Upper West Side. E 1942 e voe galvet d'ober e goñje ha kemeret perzh gantañ e dilestradeg ar 6 a viz Even 1944 en Utah Beach. Gwall fromet e voe neuze gant an emgannoù hag ar c'hampoù-bac'h.

E 1948 ec'h embannas e zanevell gentañ hag a zegasas brud dezhañ. E 1951 e voe embannet e romant The Catcher in the Rye ma tezrevell tri devezhiad kantreadenn ur c'hrennard e New York. Troet e voe e meur a yezh ha berzh a reas er bed a-bezh.

Goude bezañ embannet un nebeud danevelloù all betek kreiz ar bloavezhioù 1960 ec'h eas Salinger da ren e vuhez pell diouzh ar gazetennerien, e New Hampshire.

Oberennoù

• The Catcher in the Rye (1951) - An Diwaller er Segaleg
• Nine Stories (1953)
  • "A Perfect Day for Bananafish" (1948)
  • "Uncle Wiggily in Connecticut" (1948)
  • "Just Before the War with the Eskimos" (1948)
  • "The Laughing Man" (1949)
  • "Down at the Dinghy" (1949)
  • "For Esmé – with Love and Squalor" (1950)
  • "Pretty Mouth and Green My Eyes" (1951)
  • "De Daumier-Smith's Blue Period" (1952)
  • "Teddy" (1953)
• Franny and Zooey (1961)
  • "Franny" (1955)
  • "Zooey" (1957)
• Raise High the Roof Beam, Carpenters and Seymour: An Introduction (1963)
  • "Raise High the Roof-Beam, Carpenters" (1955)
  • "Seymour: An Introduction" (1959)