Inkizision en Amerika

Eus Wikipedia
Mont d’ar merdeerezh Mont d’ar c’hlask
Devadeg idolennoù ha dihelloù maya gant Fray Diego de Landa. Murlivadur gant al livour yukatek Fernando Castro Pacheco.

An Inkizision spagnol a gasas en Amerika un oberererezh dre teir lez-varn: re Lima ha México savet en 1569, ha hini Cartagena de Indias, savet en 1610.

En Brazil e oa an Inkizision bortugalat dindan lez-varn Lisbon o labourat en un doare bale-bro.

An div Inkizision (portugalat ha spagnol) a voe berzet gant un dekred sinet gant Napoleon en 1808, pa voe aloubet Spagn ha Portugal met efed ebet ne voe en trevadennoù. Berzet e voe an Inkizision spagnol adarre gant kentañ Bonreizh Spagn, met da get ez eas dreist-holl gant dizalc'hted broadoù Kreisteizamerika e deroù an XIXvet kantved. Inkizision Portugal a eas da get dre "Cortes Generales Extraordinarias y Constituyentes de la Nación Portuguesa", er memes amzer.

Gwrizioù en Europa[kemmañ | kemmañ ar vammenn]

En Europa eo ganet an Inkizision en 1231, pa voe heskinet ar Gatared gant an Iliz katolik.

E 1478 e voe savet an Inkizision spagnol gant ar Rouaned katolik, Izabel Gastilha ha Fernando II Aragon, ha Tomás de Torquemada a voe lakaet er penn anezhi.