Independence (Missouri)
Independence zo ur gêr e kontelezh Jackson, e kornôg stad Missouri, e Stadoù-Unanet Amerika. 121.629 a annezidi a oa e 2024[1].
Istor
[kemmañ | kemmañ ar vammenn]Krouet eo bet anv Independence en ur mod ofisiel e 1827.
Daou emgann a c'hoarvezas eno da vare ar brezel diabarzh : en hini kentañ (11 a viz Eost 1862) e voe tapet ar gêr gant an arme gengevreet, hag en eil (miz Here 1864) e voe adtapet gant an Unaniezh.
Ul labouradeg munisionoù, anvet Lake City Arsenal da gentañ, a voe savet e Independence e 1941 gant an embregerezh Remington, he fal pourveziañ arme ar vro e-pad an Eil Brezel-bed[2]. Al Lake City Army Ammunition Plant a zo bremañ perc'hennet gant ar gouarnamant stadunanat, ha produiñ a ra munisionoù bihan o c'halibr evit an arme c'hoazh.
Stag eo istor Independence ouzh Harry S. Truman, 33de prezidant ar Stadoù-Unanet, bet desavet eno, hag e wreg Bess, ganet eno. Beziet-int o daou en Harry S. Truman Presidential Library and Museum, ur savadur hag a zo ul levraoueg hag ur mirdi prezidantel ivez[3].
-
Al lez-varn. -
Delwenn Harry S. Truman. -
Midwest Genealogy Center. -
Skol-veur Graceland. -
Pannell o tiskouez pelec'h e oa linenn an arme gengevreadet e-pad eil emgann Independence, e-kerzh ar brezel diabarzh.
Tud
[kemmañ | kemmañ ar vammenn]- Harry S. Truman (1884-1972), bet desavet eno, ha Bess Truman (1885-1982), e wreg, bet ganet eno.
- Arliss Howard (ganet e 1954), aktour, senarioour ha sevenour
Kêrioù gevellet
[kemmañ | kemmañ ar vammenn]| Bro | Kêr |
|---|---|
 Japan
|
Higashimurayama |
Liammoù diavaez
[kemmañ | kemmañ ar vammenn]- (en) Lec'hienn ofisiel
Daveennoù
[kemmañ | kemmañ ar vammenn]- ↑ (en) Independence city, Missouri, United States Census Bureau (lennet d'ar 04/02/2026)
- ↑ (en) About us, war RemArms.com (lennet d'ar 04/02/2026)
- ↑ (en) About the Library, Harry S. Truman Presidential Library and Museum (lennet d'ar 04/02/2026)