Krog e oan gant Wikipedia en miz Mae 2006. Klask a ran kinnig troidigezhioù evit kas an traoù war-raok. Reizhañ pennadoù a ran aliesoc'h, 'vat, 'm eus aon, abalamour da'm micher sur a-walc'h. Skolaer on ha troet kaer gant ar yezhoù, daoust ma n'on ket ken barrek hag ar peurvuiañ deus ar verourion amañ. Sot on gant ar brezhoneg : en tu all d'ar romantoù, 'm bez plijadur o lenn ar geriadurioù, ar yezhadurioù hag ar studiadennoù yezhoniel. A-hend-all e vezan plijet gant traoù a bep seurt.
Plij' a ra din kalz treiñ. En ober a ran evit ar skol, evit ma bugale (albomoù), evit ma flijadur (Nav friñs en Ambr, gant Roger Zelazny). Ar meziant KeyPass 'm eus lakaet en brezhoneg n'eus ket pell zo, ur meziant evit diellañ gerioù-tremen.
Brezhoneg Eviaz, diembann, gant ma gamarad Kristof Konan, zo ur seurt levr Buhez ar Sent din-me
Phonologie et morphosyntaxe du parler breton de Bothoa en Saint-Nicolas-du-Pélem (Côtes d'Armor), Humphrey Lloyd Humphreys, zo un eil seurt levr Buhez ar Sent din-me, dreist-holl evit a sell ouzh ar fonologiezh hag ar stummereadurezh
Studiadenn war-benn Brezhoneg Goueloù gant Ronan ar C'hoadig
Nouvel Atlas Linguistique de la Basse-Bretagne, Jean Le Dû
