Impalaeriezh latin Kergustentin

Eus Wikipedia
Aller à la navigation Aller à la recherche
Impalaeriezh latin
Kergustentin
Ardamezioù
Ardamezioù
Rannadur an impalaeriezh goude ar Pevare Kroaziadeg
Doare gouarnamant Unpenniezh
Kêr-benn Kergustentin
Padelezh 1204 - 1261
Titl penn ar vro Impalaer
Anv penn ar vro kentañ Baldoen Iañ
Anv penn ar vro diwezhañ Baldoen II
Yezhoù ofisiel Latin, Henc'halleg
Yezhoù ar bobl Gresianeg


Impalaeriezh latin Kergustentin, pe Impalaeriezh latin zo ur stad latin feodel savet gant renerien ar pevare Kroaziadeg e lanneier tapet diwar impalaeriezh Bizantion. Ar pal e oa kas tiegezh an impalaerien ortodoks da get ha staliañ e penn ar stad ul lignez katolik a zae eus ar c'hornôg. E giz-se e oa bet klasket adkavout galloud ha gorre an impalaeriezh roman kozh.

Da benn-kentañ e oa galvet tud d'ar pevare Kroaziadeg d'aloubiñ Jeruzalem adarre, kouezhet gant ar vuzulmaned abbasid, met kudennoù politikel hag un diouer a c'halloud milourel a lakaas ar groazidi da cheñch soñj ha mont da lakaat seziz war Kergustentin, kêr-benn impalaeriezh Bizantion. An emglev a oa lakaat Isaac II Angelos war an tron en-dro, dalc'het d'ar c'houlz-se gant Alexios III Angelos. Mab Isaac II, Alexios IV, a doueas d'ar groazidi o harpañ gant argant ha nerzhioù milourel evit aloubiñ Jeruzalem ma vije adkavet ar galloud gant e dad. Trec'h e voe ar groazidi, mes ne oant ket bet paeet gant Alexios evel e oa bet raktreset. Preizhet e oa bet ar geoded pinvidik ganto en Ebrel 1204.