Howard Staunton

Eus Wikipedia
Sauter à la navigation Sauter à la recherche
Howard Staunton

Howard Staunton, bet ganet e miz Ebrel 1810 e Londrez (Breizh-Veur) hervez lod, e kontelezh Westmorland hervezañ, marvet d'an 22 a viz Mezheven 1874 e Londrez.

Meurc'hoarier ha kazetennour echedoù saoz ag an XIXvet Kantved.

Dianav a-walc'h e chom e vuhez a-raok ma teuas da vout ur c'hoarier echedoù brudet. Hervezañ e oa bet ganet e Westmorland eus un tad anvet William. Paour e oa, ne reas ket a studi pa oa yaouank. Hervezañ c'hoazh e reas c'hoariva pa oa yaouank, c'hoariet Lorenzo gantañ er pezh The Merchant of Venice bet skrivet gant William Shakespeare.

Gwellañ c'hoarier ar bed e voe adalek 1843 betek 1851 ha kampion ar bed (diofisiel). Lezel a reas e anv d'ur rummad pezhioù echedoù a oa bet treset gant Nathaniel Cook hag a vez implijet alies-alies er bed a-bezh.

Pezhioù Staunton, gant aotre hegarat Photo used by permission of Frank A. Camaratta, Jr.; The House of Staunton, Inc.; houseofstaunton.com

Skrivañ a reas pennadoù a-zivout an echedoù en New Court Gazette e 1840 hag er British Miscellany; gantañ e voe krouet ar gazetenn Chess Player's Chronicle.

Brudet eo ivez Howard Staunton evit bout embannet oberennoù klok William Shakespeare gant notennoù. Diamzeriet eo e labourioù hervez arbennigourion Shakespeare a-vremañ.

Mervel a reas a-daol trumm en e levraoueg p'edo o pleustriñ war ul levr nevez.

Oberennoù skrivet[kemmañ | kemmañ ar vammenn]

  • Howard Staunton, The Chess-Player's Handbook, 1847, gant meur ag adembannadur betek 1993;
  • Howard Staunton, The Chess-Player's Companion, 1849 ;
  • Howard Staunton, The Chess Tournament (a-zivout Tournamant Londrez 1851), 1852 ;
  • Howard Staunton, Chess Praxis, 1860 ;
  • Howard Staunton, Great Schools of England, 1865 ;
  • Howard Staunton, Chess: Theory and Practice, embannet goude e varv gant R.B. Wormald, 1876 .
  • Howard Staunton, Facsimile a folio Shakespeare 1623, 1864 ;
  • Howard Staunton, Facsimile a Much Ado about Nothing, diwar embannadur 1600, 1864 ;
  • Howard Staunton, heuliad pennadoù en Athenaeum: Unsuspected Corruptions of Shakespeare's text, adalek 1872.

Ul levr diwar e benn[kemmañ | kemmañ ar vammenn]

  • Raymond Dennis Keene ha Richard N. Coles, Howard Staunton, the English world chess champion, St. Leonards on Sea, 1975, ISBN 0-900846-19-4 .

Liammoù diavaez[kemmañ | kemmañ ar vammenn]