Heriberto Jara Corona

Ur politikour dispac'hel a Vec'hiko e oa ar Jeneral Heriberto Jara Corona, bet ganet d'an 10 a viz Gouere 1879 hag aet da anaon d'ar 17 a viz Ebrel 1968.

Ganet e oa bet e Nogales e Veracruz (Mec'hiko), mab e oa da Emilio Jara Andrade ha da María del Carmen Corona.

Stagañ a reas gant Dispac'h Mec'hiko pa oa o labourat en ul labouradeg e Rio Blanco e Veracruz.

Er bloaz ma oa bet dilennet Francisco I. Madero evel Prezidant Mec'hiko, e oa bet dilennet Heriberto Jara Corona evel dileuriad e Kendalc'h ar vro, hag e 1916 e oa bet dilennet adarre.

E-touez an dud bet savet gante Bonreizh Mec'hiko e oa Heriberto Jara Corona e 1917.

Lakaet e oa bet da gannadour Mec'hiko e Kuba ha dilennet e oa bet da Gouarnour Veracruz.

E 1950 e oa bet roet dezhañ Priz Lenin ar Peoc'h hag e 1959 e resevas Medalenn Enor Belisario Domínguez.

Anvet e oa an aerborzh "Aerborzh Etrebroadel General Heriberto Jara" en e enor.