Hellen

Hellen (henc'hresianeg : Ἕλλην / Héllên) a oa roue Fthia e Thessalia, ha tad an holl Hellened, da lavarout eo tud Hellaz. Mab e oa da z-Deukalion ha da b-Pyrra, hervez mojennoù zo, da Zeus ha Dorippe hervez re all. Dimezet e oa d'an nimfenn Orseis, ha tri mab o doe:

• Doros, tad an Dorianed
• Aiolos tad an Eolianed
• ha Ksouthos en doe daou vab
  • Ac'haios a voe tad an Ac'heaned
  • Ion a voe tad an Ionianed.

Hellen ha gerioù deveret

Diwar anv Hellen e teu ar gerioù-mañ:

• an Hellened, ar bobl, ar gregach o yezh,
  • hellenaat, reiñ doare an Hellened
• Hellaz (Ἑλλάς / Hellás), bro an Hellened
  • an anv-gwan hellazat hag an anv-kadarn Hellazad (eus Hellaz)
• an anv-gwan hellengar hag an anv-kadarn hellengarour (a gar an Hellened)
• an anv-gwan hellenek, a denn d'ar sevenadur hellenek, hini an dud a gomz helleneg (ger dizimplij), pe gregach, pe gresianeg, o yezh skignet ganto e-maez Hellaz
  • an hellenegezh, ar sevenadur hellenek, skignet e-maez Hellaz (Kirenaika, Egipt, Sikilia...)
• an anv-kadarn hellenegour, den a studi ar sevenadur hellenek, hag an hellenegouriezh, an danvez-studi
• an hellenadegezh, anv graet eus ar marevezh istorel hellenadek, ur ger ijinet da envel ur marevezh eus ar sevenadur hellenek.