Golden Years

Golden Years zo ur ganaouenn saoznek savet an ton hag ar gerioù anezhi gant ar c'haner-sonaozer saoz David Bowie (1947-2016).

• Prantad enrollañ : miz Here 1975,
• Lec'h enrollañ : Studioioù Cherokee en Hollywood (Los Angeles (Kalifornia), SUA),
• Padelezh : 3:22,
• Ti-embann-pladennoù : RCA Records,
• Deiziad dont e-maez ar bladennig : 21 a viz Du 1975,
• Kanaouenn war eil tu ar bladennig : Can You Hear Me,
• Produourien : David Bowie ha Harry Maslin.

Perzh eo ivez eus Station to Station, dekvet albom studio Bowie, deuet e-maez d'an 23 a viz Genver 1976, hiroc'h he fadelezh (4:00) avat. Bez' e voe lakaet ivez war eil tu ar bladennig a zouge Wild Is the Wind (miz Du 1981).

He c'havout a c'haller en un nebeud kendastumadoù ivez :

• Changesonebowie (miz Mae 1976),
• The Best of Bowie (miz Kerzu 1980),
• Golden Years (1983),
• Fame and Fashion (1984),
• Changesbowie (miz Meurzh 1990),
• The Singles Collection (miz Du 1993),
• The Best of David Bowie 1974/1979 (miz Ebrel 1998),
• Best of Bowie (miz Here 2002).

Ar sonerien

• Carlos Alomar : gitar,
• Roy Bittan : piano,
• David Bowie : gitar,
• Dennis Davis : taboulin,
• George Murray : gitar-boud,
• Earl Slick : gitar.

E-barzh filmoù

Dibabet e voe ar ganaouenn gant ar filmaozer stadunanat Brian Helgeland da-geñver e film A Knight's Tale, deuet e-maez e miz Mae 2001. Talvezout a reas da skor sonerezh pa zañs an div dudenn bennañ — c'hoariet gant Heath Ledger (1979-2008) ha Shannyn Sossamon — asambles.

Liammoù diavaez

• Golden Years, kanet gant David Bowie
• Golden Years, e-barzh A Knight's Tale