Felix Baumgartner
| Reizh pe jener | paotr  |
|---|---|
| Bro ar geodedouriezh | Aostria |
| Anv e yezh-vamm an den | Felix Baumgartner |
| Anv-bihan | Felix |
| Anv-familh | Baumgartner |
| Deiziad ganedigezh | 20 Ebr 1969 |
| Lec'h ganedigezh | Salzburg |
| Kompagnun(ez) | Mihaela Rădulescu |
| Yezhoù komzet pe skrivet | saozneg, alamaneg |
| Tachenn labour | skydiving |
| Sponsor | Red Bull GmbH |
| Sport | Boks |
| Prizioù resevet | Laureus World Sports Award for Action Sportsperson of the Year |
| Bet kinniget evit | Laureus World Sports Award for Action Sportsperson of the Year |
| Lec'hienn ofisiel | http://felixbaumgartner.com/ |
| Dedennet gant | space diving |
Ganet eo Felix Baumgartner d'an 20 a viz Ebrel 1969 e Salzburg. Ul lammer hag un harzlammer eus Aostria a zo anezhañ. Anavezet eo da vezañ gouest d'ober lammoù arvarus. Bet eo harzlammer en arme Aostria bet pleustret gantañ lammat war dachennoù bihan-tre.
D'ar 14 a viz Here 2012 ez eus bet skrivet un tamm eus istor ar skiantoù gant embregerezh « Red Bull » ha Felix Baumgartner. Anv ar gefridi a oa « Red Bull Stratos ». E bourzh ur baner gwaskreizhet staget ouzh ur bolotenn stratosferek eo pignet Felix Baumgartner tamm-ha-tamm betek an uhelder a 38 969,4 metr[1]. Div eur en doa bet ezhomm evit tapout an uhelder-se. Gwisket en doa ur gwiskamant spas peurijinekaet akipet gant 35 kamera. Ar greizenn gontrolliñ a oa e Roswell e Mec'hiko-Nevez e mervent Stadoù-Unanet Amerika.
Pa oa erru tost da 39 000 metrad uhelder en deus digoret Felix Baumgartner dor e spaslestr hag ez eo tostaet ouzh kantenn e baner. Kemeret en deus an amzer da saludiñ ur c’hamera a-raok lammat er goullonder.
Goude 40 segondenn en deus tremenet tizh ar son (1.24 wech), hag an tizh brasañ a zo bet 1 357,6[2]. 5 munutenn diwezhatoc’h en deus digoret e harz-lamm e 1 500 metrad uhelder, goude ur gouezhadenn 36 402,6 km[3], ha tamm-ha-tamm en deus gwelet an douar o tostaat.
Setu Felix Baumgartner, ur paotr eus Aostria, 43 bloaz, eo an den kentañ da vezañ tremenet tizh ar son hep ur mekanik bennak a-drugarez d’ul lamm libr hepken. 5 bloaz e oa bet o prientiñ al lamm-se. Ar rekord kozh dre harz-lamm a oa bet tapet gant Joe Kittinger e 1960 p’en doa lammet eus 31 333 metr. D'ar 24 a viz Here 2014 e voe freuzet rekord al lamm uhelañ gant an Amerikan Alan Eustace gant 135 908 troatad (41.425 km) met hemañ ned eas ket ken buan.
