Enrique III Kastilha
(Adkaset eus Enrique III)
Enrique III Kastilha (Burgos, 4 a viz Here 1379 - Toledo, 25 a viz Kerzu 1406) el Doliente ("ar C'hlañvad"), a voe roue Kastilha etre 1390 ha 1406.
Mab e oa da Juan Iañ (1358-1390) ha da Leonor Aragon (1358-1382).
War e lerc'h e renas e vab, Juan II Kastilha.
Dimeziñ ha bugale[kemmañ | kemmañ ar vammenn]
Dimezet e oa Enrique III en 1388 e Palencia da Catalina de Lancáster, merc'h da Juan de Gante, dug Lancaster, ha da Constanza de Castilla. En iliz-veur Palencia e voe graet an eured.
Tri bugel o doe :
- María Kastilha (1401-1458) ; dimezet da Alfonso V Aragon ; beziet e manati ar Santísima Trinidad, e Valencia.
- Catalina Kastilha (1403-1439) ; dimezet da Enrique Trastamara, mab da Fernando Iañ Aragon ha da Leonor de Alburquerque. Beziet e manati Poblet.
- Juan II Kastilha (1405-1454). Roue Kastilha war-lerc'h e dad. Beziet e Cartuja de Miraflores.