Enez Vancouver
Evit sterioù all an anv Vancouver, gwelit ivez ar pennad Vancouver (disheñvelout).
Enez Vancouver (Vancouver Island e saozneg) zo un enezenn en arvor kornôg Kanada, er Meurvor Habask. Emañ e proviñs Kolombia Vreizhveuriat, hag annezet eo gant war-dro 750 000 a dud (e 2009).
En em astenn a ra Enez Vancouver war ur gorread 32 134 km², gant 454 km a hed ha 100 km a led. Hi eo enezenn vrasañ arvor kornôg Norzhamerika. Victoria eo kêr vrasañ an enezenn, ha kêr-benn proviñs Kolombia Vreizhveuriat eo ivez.