Emsavadeg pobl 2017 e Venezuela

Eus Wikipedia
Sauter à la navigation Sauter à la recherche

Emsavadeg pobl 2017 e Venezuela zo un heuliad manifestadegoù a-enep ar gouarnamant dre Venezuela a-bezh. Krog e oa an emsavadegoù pobl e miz Genver 2017 goude ma voe harzet pennoù eus an enebiezh politikel er vro. Ouzhpenn se e oa bet roet lamm d'an eskemmoù etre gouarnamant Nicolás Maduro hag e eneberien politikel ha sokial.

Gant an amzer o redek e yeas war-gresk ar chikan. Kroget e oa a-benn neuze ur stourm bonreizhel e fin miz Meurzh pa voe gwelet lez-varn uhelañ ar vro (a-du krenn gant Maduro) o tivodañ ar vodadeg vroadel. Kreñvoc'h-kreñvañ e savas an eneberezh ouzh ar gouarnamant hag e harperien goude an taol-se. E miz Ebrel e yeas ar manifestadegoù war-zu un eneberezh stourm. Ouzhpenn ar grizenn bolitikel e oai vez muioc'h-mui ur grizenn ekonomikel drastus a awenas kantadoù a vilieroù a Venezueliz da ziskenn er straedoù evit goulenn ma vije graet un dra bennak gant ar gouarnamant ha goude-se ma vije aozet dilennadegoù nevez.

E fin miz Even 2017 e oa bet 91 den lazhet, e-tro 15 000 gloazet ha 3132 den harzet ha toullbac'het.

Kenarroud[kemmañ | kemmañ ar vammenn]

Fin ar bloavezh 2015, filmig a ziskouez tud eus Venezuela o tebriñ er poubelennoù.

Goude marv ar prezidant Hugo Chávez, Venezuela a voe hejet gant krizennoù sokial hag ekonomikel lies. Nicolás Maduro ne oa ket deuet a-benn da adreizhañ ekonomiezh ar vro hag a gendalc'has gant selloù e araoker. Stad Venezuela a yeas war fallaat, an ekonomiezh diazezet a galz war an aour-du a zo bet drastet dre ma z'eo diskennet priz ar barilhoù. Manifestadegoù hag emsavioù sokial lies a voe aozet gant ar bobl hervez grevusted ar mankoù hag hervez an aon a oa gant ar vanifesterien e-tal an nerzhioù surentez venezueliat.

Korf ar studierez Paola Ramírez lazhet e-pad manifestadeg ramzel La madre de todas las marchas.