Emgann Little Bighorn
| Emgann Little Bighorn | |||||||
|---|---|---|---|---|---|---|---|
| Tamm eus Great Sioux War of 1876 | |||||||
.jpg) | |||||||
| |||||||
| Emgannerien | |||||||
 Stadoù-UnanetTro 700 |  IndianedEtre 1 500 ha 2 500 | ||||||
| Pennoù-brezel | |||||||
| George A. Custer † Marcus Reno Frederick Benteen Myles Keogh † James Calhoun † | Sitting Bull Crazy Horse Chief Gall Lame White Man † Two Moon | ||||||
| Niver a emgannerien | |||||||
 7vet Marc'hegezh U.S. | Indianed | ||||||
| Kolloù | |||||||
| 268 lazhet 55 gloazet 6 marvet goude an emgann | 31 lazhet (136 d'an uhelañ) Betek 160 gloazet | ||||||
Emgann Little Bighorn, anvet ivez Custer's Last Stand gant Stadunaniz, pe c'hoazh Battle of the Greasy Grass e-kostez an Indianed Lakota hag Indianed ar plaenennoù, a voe un emgann a c'hoarvezas etre meuriadoù Lakota ha Cheyen, ha 7vet rejimant marc'hegerezh arme ar Stadoù-Unanet d'ar 25 ha d'ar 26 a viz Even 1876, e-kichen ar stêr Little Bighorn e reter Montana, e-kerzh ar Great Sioux War of 1876 ("Brezel meur ar Sioued 1876"). An trec'h a yeas gant an Indianed, renet gant Sitting Bull, hag a bilas soudarded ar jeneral Custer.
E-penn an Indianed e oa meur a benn brudet evel Crazy Horse ha Chief Gall, bountet hag awenet gant hunvreoù Sitting Bull (Tȟatȟáŋka Íyotake). Batailhon Custer, perzh eus 7vet rejimant marc'hegerezh an US Army, un nerzh a 700 soudard renet gant George Armstrong Custer, a voe trec'het garv. Pemp kompagnunezh diwar daouzek eus ar 7vet rejimant a voe lazhet, en o mesk Custer, gant daou eus e vreudeur, un niz, hag ur breur-kaer dezhañ. Hollad ar c'holloù evit tu al lu stadunanat a voe 268 marvet, 55 gloazet don (6 a varvas diwar o gloazadennoù). E-touez ar c'holloù e voe pevar Indian sklêrijenner Crow ha daou sklêrijenner Pawnee.
Fromoù tud Stadoù Unanet Amerika a oa lies da geñver ar Great Sioux War, dreist-holl goude faezhadenn Custer. Gant an amzer o redek e troas Custer hag e soudarded da harozed evit lod, ha kenderc'hel a reas ar skeudenn-se betek ar bloavezhioù 1960. An emgann, ha dreist-holl kadoniezh Custer, zo bet studiet alies gant an istorourien.
Levrlennadur
[kemmañ | kemmañ ar vammenn]- (fr) CORNUT David, Little Big Horn: Autopsie d'une bataille légendaire, 2018, 520 p., ISBN 978-2268100005
- (en) MILES Nelson A., Serving the Republic: General Nelson A. Miles, 2016, 240 p., ISBN 978-1519041616
- (en) The Battle of the Little Bighorn: The History and Controversy of Custer’s Last Stand, Charles River Editor, 2013, 44 p., ISBN 978-1494436834