Ekrem İmamoğlu
| Reizh pe jener | paotr  |
|---|---|
| Bro ar geodedouriezh | Turkia |
| Anv e yezh-vamm an den | Ekrem İmamoğlu |
| Anv-bihan | Ekrem |
| Anv-familh | İmamoğlu |
| Deiziad ganedigezh | 3 Mez 1971 |
| Lec'h ganedigezh | Cevizli |
| Pried | Dilek İmamoğlu |
| Yezh vamm | turkeg |
| Yezhoù komzet pe skrivet | turkeg, saozneg |
| Micher | politiker, den a aferioù, real estate developer, den Stad |
| Karg | mayor of Beylikdüzü, mayor of Istanbul, mayor of Istanbul, mayor of Istanbul |
| Bet war ar studi e | İstanbul University School of Business, Girne American University, Trabzon Science High School, Istanbul University Institute of Social Sciences |
| Lec'h annez | Beylikdüzü, Rumelihisarı |
| Lec'h labour | Istanbul |
| Strollad politikel | Republican People's Party, Motherland Party |
| Bet war ar renk da vezañ dilennet | 2014 Turkish local elections, 2019 Turkish local elections in İstanbul, June 2019 Istanbul mayoral election, 2024 Turkish local elections, 2025 Republican People's Party presidential primaries |
| Relijion pe kredenn | Islam |
| Liv ar blev | blev du |
| Liv an daoulagad | gell |
| A wisk | lunedoù |
| Handedness | dehouiad |
| Luskad politikel | kleiz-kreiz |
| Ideologiezh politikel | Kemalism, sokial-demokratelezh |
| Darvoud-alc'hwez | arrest of Ekrem İmamoğlu |
| Lec'hienn ofisiel | https://www.ekremimamoglu.com |
Ekrem İmamoğlu, ganet d'ar 4 a viz Even 1970, zo ur politikour eus Turkia hag a zo bet maer Istanbul etre ar 17 a viz Ebrel 2019 hag ar 6 a viz Mae 2019. Dilennet e oa bet da vaer Istanbul e miz Meurzh 2019 en anv ar c'hengevread Millet İttifakı hag ar strollad Cumhuriyet Halk Partisi. Goude ma oa bet nullet an dilennadeg e voe addilennet d'an 23 a viz Even 2019. Etre 2014 ha 2019 e oa maer distrig kornôg Istanbul, Beylikdüzü. İmamoğlu a zo deuet war-wel e-pad dilennadegoù maer Istanbul 2019. Dizanv pe dost e oa, met deuet eo a-benn da gaout harp an holl re enebet ouzh ar prezidant Erdoğan. A-raok ar c'hentañ vot e oa soñjet en defe 23 000 vot ouzhpenn evitañ. Trec'h e oa bet gant 13 729 vot lañs war e enebour a-benn ar fin ha goude ma vefe bet adkontet meur a wech an holl votoù.
O vezañ barnetl abaoe miz Genver 2022 evit "kunujenniñ ar pennadurezhioù dilennel", tamalloù a vez laret da vezañ awenet gant abegoù politikel, İmamoğlu a oa bet kondaonet da 2 vloaz, 7 miz ha 15 devezh toull-bac'h[1] ha skarzhet eus ar politikerezh dre lezenn gant ur barner abaoe ar 14 a viz Kerzu 2022.[2] An difenn politikel n'eo ket bet lakaet da dalvezout c'hoazh dre ma rank bezañ aotreet gant al lez-varn galv hag al lez-terriñ.[3]
D'an 19 a viz Meurzh 2025, İmamoğlu a oa bet harzet diwar tamalloù goubrenerezh gant ur 100 bennak a dud all. An Ajañs Anadolu he doa embannet e oa suspediet İmamoğlu ha kalz tud all da vezañ rediet tud da reiñ arc'hant dezho, da vezañ bet o naetaat an arc'hant lous-se, da vezañ truchet gant paperioù votiñ, ha kalz rebechoù all. İmamoğlu a vez rebechet dezhañ ivez da reiñ sikour d'an aozadur berzhet Strollad Labourerien Kurdistan (PKK), dre sevel un emglev gantañ dre un aozadur krouet evit dilennadegoù Maer Istanbul. Un devezh a-raok, skol-veur Istanbul a oa bet o nullañ diplom İmamoğlu, ar pezh a zifenne dezhañ bezañ war ar renk evit an dilennadegoù prezidantel da zont.[4][5] Goude an harzadenn e oa bet manifestadegoù ramzel dre ar vro, memes ma oa difennet, evit emsevel a-enep "un taol-stad" e Turkia.
Notennoù ha daveennoù
[kemmañ | kemmañ ar vammenn]- ↑ İmamoğlu trial: Mayor of Istanbul sentenced to 2 years, 7 months and 15 days. (tr)(2022-12-13).
- ↑ Ekrem İmamoğlu sentenced to prison and ban on politics. (tr)(14 December 2022).
- ↑ "İmamoğlu davasında verilen karar hukuki olarak hangi sonuçları doğurabilir?", BBC News Türkçe.
- ↑ Police arrest Istanbul mayor, a key Erdogan rival, over alleged corruption and terror links (tr)(2025-03-19).
- ↑ Ekrem İmamoğlu dahil 100'den fazla kişi hakkında gözaltına kararı (tr)(2025-03-19).