Douro

Eus Wikipedia
(Adkaset eus Duero)
Aller à la navigation Aller à la recherche

An Douro e Ledenez Iberia
An Douro e Porto

An Douro (e portugaleg, distaget [ˈdowɾu], [ˈdoɾu]), Duero (e spagnoleg, distaget ˈdweɾo]), a zo ur stêr vras 897 km e Ledenez Iberia. Eieniñ a ra e Bro-Spagn ha redek trema ar Meurvor Atlantel ma'n em daol ennañ e Porto. Ar 525 km kentañ eus he red a zo e Spagn. Goude, war 112 km, e ra ar vevenn etre Spagn ha Portugal, hag an 215 km diwezhañ a zo e Portugal.

Gerdarzh[kemmañ | kemmañ ar vammenn]

Eus anv latin ar stêr, Durius, e teu Douro ; meneget eo gant Silius Italicus, Plinius an Henañ ha Pomponius Mela, hag er stummoù henc'hresianek Dourios, Dorios ha Dōros gant Ptolemaios, Strabon ha Cassius Dio.
Den ne oar orin an anv avat. Dre ma red en ur vro a oa keltiek gwechall e c'houlakaer ur wrizienn geltiek *du(b)r- "dour", "dourredenn", met gallout a rafe dont dreist al latin eus ur wrizienn indezeuropek *dura / duria, a zo paot en Europa, er broioù keltiek dreist-holl.

Liammoù diavaez[kemmañ | kemmañ ar vammenn]


Commons
Muioc'h a restroù diwar-benn

a vo kavet e Wikimedia Commons.