Drin
gwelet eus kastell Rozafa e Shkodër
An Drin (Drin pe Drini en albaneg ; Дрим/Drim e makedoneg) zo ur stêr eus Albania hag en em daol e Mor Adria.
Ganet eo an Drin diwar div stêr vihanoc'h : an "Drin Du" (Drini i Zi en albaneg ; Crn Drim e makedoneg) a zeu er-maez eus Lenn Ohrid hag a red dre republik Makedonia hag Albania ; hag an "Drin Gwenn" (Drini i Bardhë en albaneg ; Beli Drim/Бели Дрим e serbeg) a zeu eus menezioù Kosovo.
Hirañ stêr ar vro eo, gant 335 km a hed, ha 285 anezho a red en Albania hec'h-unan. E gwalarn ar vro eo rannet e div vrec'h : an eil a red war-eeun da Vor Adria e-kichen Lezhë, hag eben en em daol er stêr Bojana (Buna en albaneg).
