Donner Party
| Deiziad krouiñ | 12 Gou 1846  |
|---|---|
| Stad | Stadoù-Unanet |
| Lec'h | Wyoming |
| Members have occupation | American pioneer |
| Start point | Independence |
| Destination point | Sutter's Fort |
| Deiziad divodadur | 29 Ebr 1847 |
An Donner Party, lesanvet raloc'h the Donner–Reed Party, a oa bet un darvoud gant ur strollad gwastadourien stadunanat a oa fiñvet diouzh Kalifornia en ur charreadenn o tont eus ar Midwest. Daleet e oa bet dre meur a zarvoud ar charreadenn. Rediet e oant bet da baouez ha da dremen ar goañv gant erc'h bras e 1846–1847 e menezioù Sierra Nevada. Lod eus an divroidi-se a oa bet a oa bet betek treiñ da duddebrerien evit dreistbevañ. Da gentañ o devoa debret korfoù ar re marvet gant an naon, ar c'hleñvedoù pe ar yenijenn spontus. Goude-se evit ul lod e oant bet betek lazhañ daou amerindian a oa o ambrougañ anezho evit debriñ anezho.
An Donner Party a oa savet gant tud eus Springfield, Illinois, ha lorc'het eus Independence, Missouri, war hent Oregon en hañv 1846, goude un toullad familhoù a oa lorc'het dija evit ober ar memes hent. Ar beaj a oa da vezañ unan pevar betek c'hwec'h miz, an Donner Party avat a oa bet gorrekaet dre klask tremen dre un hent nevez anvet Berradenn Hastings, amdreiñ a rae an hent-se an hentoù anavezet hag a dremene dre ar Menezioù Roc'hellek Chadennad Wasatch ha Dezerzh Meur al Lenn Sal, hiziv-an-deiz en Utah. An douar a oa unan dezerzhel ha diaes , hag an diaesterioù a vo gant ar charreadenn en amzer da zont pa oant o tremen dre ar stêr Humboldt en Nevada hiziv-an-deiz, a vo evel disorc'h da goll kalz bevin ha karrigelloù. Gant an diaesterioù e oa kroget disrannoù etre izili ar charreadenn.
Penn kentañ miz Du, an divroidi o devoa tizhet ar Sierra Nevada met a voe trapet gant kouezhadenn abred an erc'h nepell diouzh Lenn Truckee (Lenn Donner bremañ) uhel er menezioù. Ar pourvezioù boued a oa o tisken buan betek bezañ izel-izel, hag e kreiz miz Kerzu, lod eus ar strollad a oa aet war-droad da glask sikour. Sikourien eus California a oa bet o klask tizhout an divroidi, met ar c'hentañ strollad sikour ne oa ket erruet a-raok kreiz miz C'hwevrer 1847, tost pevar miz goude ma vije bet trapet ar charreadenn. War an hollad 87 ezel eus ar charreadenn, 48 o devoa dreistbevet. An istorourien o deus bet diskrivet an darvoud evel unan eus an trajediennoù boemusañ en istor Kalifornia hag en holl eñvorennoù eus an divroañ war-zu ar C'hornôg.
Eñvorennoù ha brud tuddebrerezh[kemmañ | kemmañ ar vammenn]
Lod dreistbeverien a zo chomet sonn o embann ne oa ket bet eus tuddebrerezh, Charles McGlashan, hag en doa eskemmet gant an dreistbeverien war un 40 bloaz bennak, en doa rastellet testenioù eus ar fedoù-se.