Diplôme national du brevet

Eus Wikipedia
Sauter à la navigation Sauter à la recherche
Lec'hiadur ar breved er skoliata c'hall.

An Diplôme national du brevet (Diplom broadel ar breved), berraet gant ar stumm DNB, zo un diplom stad gall a live V a dalvez da briziañ ar barregezhioù a c'hortozer digant skolajidi Bro-C'hall bezañ mestroniet e fin an Trede klas pe ar c'helc'hiad pevar (5vet, 4e, trede klas) [1]. Dre vras ar re a dremen an diplom-se a zo oadet etre 14 ha 15 vloaz. N'eus ket ul liamm rik etre ar fed ma vefe roet an diplom gant ur juri departamantel hag an hent skol a vezo kemeret dre choaz gant ar skolajiad goude ar skolaj. Evit an elfenn-se ez eo ali rener ar skolaj hag ar c'huzul-klas a vez ar pouezusañ.

Krouet ez eus bet gant Diwan un diplom kevatal (hep talvoudegezh ofisiel) anvet an A.K.E.D (Arnodenn Kreiz Eil Derez) [2] [3]

2017[kemmañ | kemmañ ar vammenn]

Goude adreizhadur ar skolaj e 2017 e chom an tu gant ar skolajidi da dremen al lodenn Istor-douaroniezh en ur yezh rannvroel penn-da-benn (brezhoneg, euskareg, korseg..). Ar yezh rannvroel a vez notennet ivez e-pad ar bloavezh war un hollad a 50 poent. Dre gomz ar breved a c'hell bezañ tremenet evit an hanter gant ar yezh rannvroel ivez (notennet eo war un hollad a 100 poent).

Evit ar bloavezh 2017 ez eus bet 832 654 skolajiad o tremen an arnodenn [4]:

  • 752 542 evit an hentenn hollek
  • 80 112 evit an hentenn micherel

Liammoù diavaez[kemmañ | kemmañ ar vammenn]

Notennoù ha daveennoù[kemmañ | kemmañ ar vammenn]