Bernez Tangi : diforc'h etre ar stummoù
Linenn 15: | Linenn 15: | ||
====Pladennoù==== |
====Pladennoù==== |
||
* LAPOUS AN TAN, ebrel 2009 [Tarv Ruz - CD TR 02]. |
* LAPOUS AN TAN, ebrel 2009 [Tarv Ruz - CD TR 02]. |
||
* ''Kest al lec'h'' (kasedig), (1990) e gasedig kentañ. |
* ''Kest al lec'h'' (kasedig), (1990) e gasedig kentañ. |
Stumm eus an 15 Meu 2009 da 20:25
Bernez Tangi, Bernard Tanguy war varilh an ti-kêr, zo ganet e 1949. Ur barzh, kaner ha livour brezhonek eo.
Bez' e voe unan eus krouerien ar strollad rok brezhonek kentañ, Storlok er bloavezhioù 1970. Ganet eo ar paotr-se d'ar Sul 11 a viz Mezheven 1949 e Karanteg. Komz a ra ar brezhoneg abaoe ma 'z eo bihan-bihanik. 60 vloaz eo bremañ. Traoù all... Sin steredoniel : Gevell ; Sin chinaat a zo ar Bual.
Prizioù
Nac'het en deus Bernez Tangi priz Du-mañ Du-se roet gant France 3 Ouest dezhañ abalamour d'e zastumad barzhonegoù Rod an Avelioù en 2001, rak c'hoant en devoa bet da sevel e vouezh da ziskuliañ an nebeud a blas hag a don a vez roet d'ar brezhoneg er media stad. E 1986 ez eo bet gantañ ar priz Imram hag a vez roet pep bloaz d'un skrivagner brezhonek.
Oberennoù
- E 1987 en deus graet un dastumadeg e anv Fulennoù an tantad hag a zo bet embannet gant Skrid.
- Rod an Avelioù, Lezneven : Hor Yezh (2001)
- Chien de feu, Tarv Ruz, 2005. Un dibab eus e varzhonegoù troet e galleg. Ul levr hag ur bladenn arc'hant a zo, gantañ o tibuniñ e varzhonegoù e brezhoneg.
Pladennoù
- LAPOUS AN TAN, ebrel 2009 [Tarv Ruz - CD TR 02].
- Kest al lec'h (kasedig), (1990) e gasedig kentañ.
- Eured an diaoul, An Naer Produksion, (2002) Setu ar c'hanaouennoù e c'heller kavout war ar bladenn-mañ :
- 1Emgann Kergidu - 3'37
- 2Diwall ! Ospital ! - 3'12
- 3Gwerzh ar vañsonerien - 6'09
- 4Gavotenn ar c'hoarierien biz-meud - 6'06
- 5Gwennili - 3'48
- 6Nedeleg war Portobello Road - 6'18
- 7Gwerz an naon du - 6'23
- 8Eured an Diaoul - 5'10
- 9Kilhet - 6'57
- 10Ba'r meskach - 6'13
- 11Patrom sillabus – 7'36* Fulennoù an tantad, Skrid (1987)
- Klaskit pladenn Storlok ivez e-lec'h ma 'z eus meur a ganaouenn saet gantañ.
Liammoù diavaez
- Atersadenn gant Bernez Tangi war gKaouenn.net[1]
- Des poèmes à lire et à écouter
- Interview à la radio
Barzhoneg
Setu ur barzhoneg brav ha trist, gant Bernez Tangi, bet embannet er bloaz 1987, er gelaouenn Skrid, bet kanet gantañ e-unan hag enrollet war ur gasedig anvet Kest al lec'h, gant Denez Prijant en e bladenn gentañ, Ar gouriz koar, gant Mona Jaouen hag a-hend-all e kustume Annie Ebrel kanañ ar werz-se ivez, kempennet brav, gant ar strollad Dibenn un toullad bloavezhioù 'zo. Enrollet e oa bet war ur vaketenn-standilhon gant ar strollad e 1991, met n'ouzer ket hag embannet e vije bet da c'houde.
Plac'h Landelo
Bez' zo ur plac'h e Landelo
landandeli di landandandeli di lan dan dan deli deli do
Bez' zo ur plac'h e Landelo
kant gwech 'deus karet
kant gwech bet gloazet
Freget he c'halon e pilhoù
'barzh 'vefe kavet
ur prad alaouret
Kleier hanternoz ga't o sko
ez a kuit diarc'hen
gant he sae saotret
Ur puñs e-kichen a zo
d'ar veol hi zo aet
he divronn 'deus glebiet
Al loar a luc'h tro-war-dro
en dour trankilaet
'zegas dezhi he c'hened
Met galv' 'ra 'nezhi ar c'hav
va c'hoantig karet
amañ 'vo ankouaet
'Kichen 'kresk ur bod iliav
mar plij, me ho ped
kemerit un tamm
Hag an tamm-se c'hwi a daolo
'lec'h 'mañ-hi kousket
'N he bez-dour da viken.
Al loar a luc'h tro-war-dro
An dour sioulaet
'zegas dezhi he c'hened
(diwar forom lec'hienn Kervarker[2])