Ab (mab)

Ab, pe ap, zo ur ger brezhonek ha kembraek, deuet diwar an anv-kadarn mab, a gaver en un nebeud anvioù tud.

E brezhoneg

E brezhoneg eo deuet da vezañ ur rakger hag a gaver en anvioù-tiegezh a orin leonat:

• ab: Abalan (aliesoc'h dindan ar stumm gallekaet Abalain), Abalea, Abaofred, Abarnoù, Abazïou, Abernod, Abgrall, Abhamon, Abherve, Abiven, Abolier, Abyann (aliesoc'h dindan ar stumm gallekaet Abjean);
• ap: Apere, Apherri (aliesoc'h dindan ar stumm gallekaet Apéry), Apriou.

E kembraeg

E kembraeg eo ur ger hag a gaver en anvioù tud,

• pe e-kreiz an anv,
  • ab dirak ur vogalenn, evel e-barzh Hywel ab Owain Gwynedd,
  • pe ap dirak ur gensonenn, evel e-barzh Hywel ap Cadwaladr,
• pe evel rakger,
  • P, en anvioù evel Parry, Powel, Pritchard, Pugh, eus ap Harri, ap Hywel, ap Risiart, ap Huw,
  • B, en anvioù evel Bevan, Bowen, eus ab Efan, ab Owain.