Nizon

Nizon a oa ur gumun eus Breizh e Penn-ar-Bed. Ul lodenn eus kumun Pont-Aven eo bremañ.

Istor

• Ur barrez eus eskopti Kerne e oa Nizon gwechall.

Dispac'h Gall

• Krouet e voe kumun Nizon e 1790, hep he zrev Pont-Aven hag a zeuas da vezañ ur gumun distag diouti. .
• Dekred eus ar 26 a viz Du 1790 war al le ret: e penn-kentañ 1791 e voe graet al le ouzh ar Roue, ar vro hag al lezennoù gant Le Breton, person; nac'het e voe al le gant Guvoel, kure, hag Helegoualc'h, beleg kofesour .
• E 1805 e teuas Pont-Aven da vezañ ur barrez distag diouzh Nizon ivez.

XXvet kantved

• Staget e voe kumun Nizon ouzh kumun Pont-Aven e 1954, d'ober ur gumun vras hepken

Monumantoù ha traoù heverk

thumb|Iliz-parrez kozh Nizon

• An iliz katolik.

Tud

• En XXvet kantved e oa bet ar barzh Xavier Grall o vevañ e Nizon, e dibenn e vuhez.
• Kervarker (Théodore Hersart de la Villemarqué), dastumer Barzhaz Breizh, a voe ganet e Nizon e 1815, e kastell ar Genkiz. E Nizon ivez emañ maner Rustefan, a zo meneget e-barzh "Jenovefa Rustefan", ur werz a gaver e Barzhaz Breizh.