LGBT

Dizemglev war an dermenadurezh An nevezc'herioù a zo implijet er pennad-mañ a zo bet krouet a-ratozh-kaer. Ne vezont ket kavet er geriadurioù ordinal peurvuiañ eta, pe, a-wechoù dre abeg teknikel pe abeg resis, ne glot ket an termenadur anezho gant an termenadur boutin.

Un arouez LGBT

Un diverradur eo an termen LGBT (pe LGDT e brezhoneg) savet diwar ar saozneg:

• Lesbian (brezhoneg: Lesbianel): amañ e talvez ar maouezed hag a gar ha/pe o devez darempredoù reizhel gant maouezed all;

• Gay (brezhoneg: Gae): amañ e talvez ar baotred hag a gar ha/pe o devez darempredoù reizhel gant paotred all (a-wechoù e vez implijet an termen-mañ en un doare kalz ledanoc'h evit ober dave d'an heñvelrevelezh dre vras hep tennañ da rev an dud);

• Bisexual (brezhoneg: Divrevel): amañ e talvez an dud, paotred pe merc'hed gant un emzalc'h pe un identelezh heñvelrevel ha arallrevel war un dro;

• Transgender (brezhoneg: Treuzrevel): amañ e talvez forzh pehini gantañ/i un identelezh revel na glot ket gant an identelezh reizhel pe c'hoazh gant emzalc'hoù na glotont ket gant an emzalc'h o defent sañset kaout hervez o reizh biologel un ur gevredigezh resis bennak, en o zouez an dud hag a gemm o reizh evit ma klotfe gant o identelezh revel. Un termen ledan-tre e ster an hini eo.

Daoust ha ne ra ket dave d'ar revelezh denel en he fezh, an tremen-mañ a zo kalz ledanoc'h e ster evit tremenoù all evel heñvelrevour/ez, Gae pe lesbian-ha-gae (lesbigay).

Evit ledanaat ster an termen-mañ e vez ouzhpennet lizherennoù ouzhpenn alies a-walc'h evit ober dave da duadurioù reizhel, emzalc'hioù pe stadoù-den (identelezh) revel all, da skwer:

• Queer: amañ e talvez an holl dud a bep suert ha n'int ket a-du da dermeniñ o revelezh hervez patromoù ar gevredigezh hag a fell dezhe diswel o stad-den revel evel un dra disheñvel diouzh ar patromoù-se;

• Arallrevelezh (saozneg: straight ally): evit ober dave d'an dud arallrevel hag a zo a-du gant ar stourm evit gwirioù ar re a zo LGBT;

• Etrereizhadezh (saozneg: intersex);

• Hollrevelezh (saozneg: pangender pe pansexual)

Implijet e vez an diverradur-mañ kentoc'h evit termenoù heñvel-all dre m'emañ ledanoc'h e ster evite dre vrasoc'h ober dave da vuioc'h a emzalc'hioù ha stadoù-den revel hag ivez evit chom hep ober gant termenoù all a oa deuet da vezañ negativel o ster, da skwer heñvelrevour/ez.

Implijet eo bet an diverradur-mañ abaoe ar bloavezhioù 1990 ha deuet e da vezañ implijet aliesoc'h-aliesañ abaoe 2005 dreist-holl er Stadoù-Unanet hag er broioù all ma vez komzet saozneg, mmet ivez muioc'h-mui er bed a-bezh.

Gwelet ivez

• Divrevelezh
• Treuzrevelezh
• Arallrevelezh
• Kizrevelezh
• Lesbianelezh
• Gae

Porched ar revelezh denel (LGBT) – Adkavit pennadoù Wikipedia a denn d'ar revelezh.