Azawad

Azawad hervez an aozadurioù. Gwer teñval: lodenn arc'het gant an holl aozadurioù; gwer sklaer, er su d'ar stêr Niger, lodenn arc'het gant an EBDA; orañjez: lodenn ha n'eo ket arc'het tamm ebet.

Banniel Azawad (kinniget gant EBDA).

Azawad (e tifinagh: ⴰⵣⴰⵓⴷ; en arabeg: صحراء أزواد) eo an anv a vez roet d'ar rann eus norzh Mali, lodek eus ar Sahara, poblet evit an darn vuiañ gant touareged, ha gant un nebeud pobloù all, hag a vez goulennet he dieubidigezh gant aozadurioù 'zo, en o zouez an Emsav Broadel evit Dieubidigezh Azawad. Rannvroioù Tombouktou, Kidal ha Gao en o fezh a vez lakaet e-barzh gant EBDA, met hervez aozadurioù all n'eo nemet al lodenn en norzh d'ar stêr Niger.

D’ar Gwener 6 a viz Ebrel 2012, da heul un emsavadeg armet, eo bet disklêriet dieubidigezh Azawad gant EBDA.