De Morgen

De Morgen (nederlandeg : ar mintin) a zo ur pemdezieg flandrezat ment ur berliner dezhañ. Ouzhpenn 70 000 skouerenn a vez gwerzhet bemdez. Krouet e voe e 1978 dre gendeuziñ div gazetenn sokialour : Vooruit ("War-raok") ha Volksgazet ("Kazetenn ar bobl"). En Arduinkaai, 29 e Brussel emañ sez ar gazetenn.

Ur gazetenn dizalc'h hag enni menozioù araokour eo De Morgen. E Flandrez ez eus kevezerezh etre hi ha kazetennoù all evel De Standaard ha De Tijd. Hervez Yves Desmet (hag eñ bet pennskrivagner ar gazetenn) ez eus bet degaset kemmoù bras er c'hazetenniñ e Flandrez gant doare De Morgen. Meur a wech eo bet priziet peogwir ez eo modern maketenn ar gazetenn.

Vooruit a voe krouet e Ghent gant Edward Anseele hag an niverenn gentañ a voe embannet d'an 31 a viz Eost 1884, a-raok krouidigezh Belgische Werklieden Partij (Strollad belgiat al labour) e 1885. Hiziv an deiz ez eo embannet De Morgen gant De Persgroep (embanner Het Laatste Nieuws).

Kazetennerien brudet

• Paul Baeten Gronda, kazetenner
• Benno Barnard, kazetenner
• Geert Buelens, kazetenner
• Walter De Bock, kazetenner-enklasker ha pennskrivagner dre interim
• Saskia De Coster, kazetennerez
• Paul Goossens, pennskrivagner kentañ (1978-1991)
• Luuk Gruwez, kazetenner
• Eric Rinckhout, e-karg eus ar sevenadur
• Stephan Vanfleteren, luc'hskeudenner

Liamm diavaez

• Lec'hienn ofisiel
• Facebook De Morgen
• Twitter De Morgen