Choke
Ur choke, diwar ar saozneg choke-bore, zo ur pezh metal kranennek a viñser e beg kanol ur arm-tan flour e ganol (ur fuzuilh-chase peurliesañ) evit ledanaat pe strishaat ar goumoulenn vannadelloù a zeu er-maez eus an arm, hervez ar spesadoù loened chaseet hag o fellder. An holl chokes gwerzhet hiziv an deiz a zo azasaet evit ar c'hanetennoù dir implijet e plas ar plomoù gant muioc'h-mui a chaseerien.[1]
Doareoù
[kemmañ | kemmañ ar vammenn]
Ment
[kemmañ | kemmañ ar vammenn]Pemp ment standart a gaver :
- flour pe digor : ledan e vo e goumoulenn blomoù. Implijet e vez evit ar jiboes tost (war-dro 15 metr) ;
- 1/4 : evit ul loen betek war-dro 20 metr ;
- 1/2 : evit ul loen betek war-dro 25 metr ;
- 3/4 : evit ul loen betek war-dro 30 metr ;
- choke leun (full-choke) : stank-tre e vo ar goumoulenn blomoù. Implijet e vez evit tennañ war lapoused uhel a-walc'h en oabl, war-dro 35 metr diouzh an tenner.[2]
Kochoù zo war ar chokes evit gwelet pe vent int hep bezañ rediet da zivontañ anezhe. Pemp koch a ziskouez da skouer eo digor ar choke, ha tri c'hoch a ziskouez eo un 1/2 choke. War ar fuzuilhoù daou ganol e c'hall bezañ montet chokes disheñvel evit azasaat daou denn eus renk ouzh ar jiboes o tostaat pe o pellaat. Difiñv e c'hall bezañ ar choke war fuzuilhoù zo.
Stumm
[kemmañ | kemmañ ar vammenn]Stummoù disheñvel a gaver hervez stumm ar goumoulenn a glasker.
Daveennoù
[kemmañ | kemmañ ar vammenn]- ↑ (fr) À quoi sert un choke ? war Chassons.com, 03/02/2016 (lennet d'ar 07/05/2024)
- ↑ (fr) RORIVE Olivier, Chokes pour fusils : quoi, quand, comment ? war lec'hienn Browning, 01/03/2016 (lennet d'ar 07/05/2024)
