Charlie Chaplin

Charles Spencer Chaplin, amerikan a orin breizhveuriat, a oa un aktour, leurenner hag erbarer filmoù bet ganet d'ar 16 a viz Ebrel 1889 e Londrez ha marvet d'an 25 a viz Kerzu 1977 e Vevey e Suis.

Brudet er bed a-bezh eo e dudenn Charlie, a zo skeudennet amañ a-zehoù.

Buhez

Mab d'ur c'haner ha d'ur ganerez music-hall aet da baour e oa. Ken abred ha 1897, eizh vloaz dezhañ neuze, e pignas Charlie Chaplin war al leurenn gant e vreur Sidney evel dañserien zroch.

Da c'houde e voe gwelet e pantomimoù a droas dre Europa, ar Stadoù-Unanet ha Kanada. E-kerzh un droiad er Stadoù-Unanet eo e voe merzet gant Mack Sennett, en lakaas da sinañ ur gevrad en Hollywood.

Fent an troioù-kamm dreist-holl a oa er filmoù kentañ ma c'hoarias Charlie Chaplin ; diouzhtu avat e voe gwelet enno an dudenn a raje e vrud er bed a-bezh da c'houde : tog pompad, melloù botoù, bragoù mil pleg, mourrenn peg ouzh un dremm vorlivet, bazh-kamm ha kerzhed un houad.

Ag aktour e tremenas da leurenner ha neuze da filmaozer kent kenderchiñ e filmoù dezhañ adalek 1917 dre ar gompagnunezh United Artists ("Arzhourien Unanet") a grouas gant Mary Pickford, Douglas Fairbanks ha D. W. Griffith.

Abred e voe Charles Chaplin brudet er bed a-bezh, evel ma c'hallas merzout pa roas tro ar bed er bloavezh 1932.

Alies e c'hoarie perzh tud paour oc'h en em zifenn diouzh ar re binvidik ha galloudus, ar pezh a degasas kudennoù dezhañ er Stadoù-Unanet, ha ret e voe dezhañ o c'huitaat e 1952 en abeg da bolitikerezh ar senadour republikan Joseph Raymond MacCarthy.
Kevret gant merc'h Eugene O'Neill, e wreg abaoe 1943, he merc'h hag o seizh bugel ez eas da Suis d'em staliañ e 1953 kent mervel eno e 1977.

Charlie

Diwar troioù-kamm ar filmoù kentañ en Hollywood e troas Chaplin war-du ur fent soutil, fromus ha barzhoniel em droas tamm-ha-tamm da vurutelladennoù nerzhus direizhderioù ar gevredigezh, pa ziskouezent pilpouzerezh ha feulster ur bed tapet en enkadenn armerzhel ha gourdrouzet gant ar faskouriezh.

Dont a reas Charlie, an dudenn bet krouet gantañ, anezhañ un dister a zen paour, emsavet, dic'halloud ha leun a youl-vat, da vezañ un arouez eus tud e amzer o stourm evit o frankiz hag o dellezegezh enep an deknokrated e servij an armerzh hag ar gensentourien o zouell, o c'horvo hag o argas bemdez.

Filmoù

Keystone Studios 1914 Making a Living ♦ Kid Auto Races at Venice ♦ Mabel's Strange Predicament ♦ Between Showers ♦ A Film Johnnie ♦ Tango Tangles ♦ His Favourite Pastime ♦ Cruel, Cruel Love ♦ The Star Boarder ♦ Mabel at the Wheel ♦ Twenty Minutes of Love Caught in a Cabaret ♦ Caught in the Rain A Busy Day The Fatal Mallet ♦ Her Friend the Bandit (Kollet) The Knockout ♦ Mabel's Busy Day ♦ Mabel's Married Life Laughing Gas The Property Man The Face on the Bar Room Floor Recreation The Masquerader His New Profession The Rounders The New Janitor Those Love Pangs Dough and Dynamite Gentlemen of Nerve His Musical Career His Trysting Place Tillie's Punctured Romance ♦ Getting Acquainted His Prehistoric Past Essanay Studios 1915 His New Job A Night Out The Champion In the Park A Jitney Elopement The Tramp By the Sea His Regeneration (perzh dister ha berr : un arval) (21 a viz Even) A Woman The Bank Shanghaied A Night in the Show Burlesque on Carmen 1916 Police 1918 Triple Trouble Mutual Film Corporation 1916 The Floorwalker The Fireman The Vagabond One A.M. The Count The Pawnshop Behind the Screen The Rink 1917 Easy Street The Cure The Immigrant The Adventurer

First National 1918 A Dog's Life The Bond Shoulder Arms 1919 Sunnyside A Day's Pleasure The Professor Diechu 1920 The Kid The Idle Class 1922 Pay Day 1923 The Pilgrim United Artists 1923 A Woman of Paris 1925 The Gold Rush 1928 The Circus 1931 City Lights 1936 Modern Times 1940 The Great Dictator 1947 Monsieur Verdoux 1952 Limelight Diwezhatoc'h 1957 A King in New York 1959 The Chaplin Revue (Filmoù berr ar First National : A Dog’s Life, Shoulder Arms ha The Pilgrim). 1967 A Countess from Hong Kong (perzh dister ha berr) Arall The Nut Souls For Sale A Woman of the Sea (1926) Show People (11 a viz Even 1928)