Charles Leclerc

Charles Leclerc e 2017, goude bezañ aet ar maout gantañ e F2

Charles Leclerc, bet ganet d'ar 16 a viz Here 1997 e Monako, zo ur blenier redadegoù-kirri a red e Formulenn 1 gant ar Scuderia Ferrari. Goude bezañ tapet an trec'h gantañ e kevezadeg GP3 Series e 2016 hag e Formulenn 2 e 2017 e oa bet galvet da redek evit Alfa Romeo Sauber e 2018. Abalamour m'en doa skoet ar speredoù gant deroù eus ar c'hentañ ha peogwir eo ezel eus ar Ferrari Driver Academy e oa bet galvet da redek e plas Kimi Räikkönen gant Ferrari e 2019 e-kichen Sebastian Vettel. Tapet en doa e bol hag e drec'h kentañ e 2019.