Chapel Itron-Varia ar C'hreiz-kêr

MONUMANT ISTOREL
Tu ar c'hreisteiz en noz

Chapel Itron Varia ar C'hreiz-kêr (XIV^vet – XV^vet kantved), e Kastell-Paol, a sav he c'horzenn betek 80 m pe dost, zo dezhi unan eus ar c'hloc'hdioù uhelañ eus Breizh hag unan eus ar skouerioù kaerañ eus ar c'hloc'hdioù dantelezet. Gant he nouspet toull-prenestr warn-ugent n'en deus ket an avel a grog enni. Adsavet e voe goude tan-gwall 1375, gant un tisavour saoz, hervez kont.

Ar savadur a voe, betek ar XVII^vet kantved, ur chapel eus kêr, a veze graet enni divizadegoù ar c'hort kêr, ha, goude-se, chapel ar C'hloerdi Bras ha Skolaj Bro-Leon war un dro, betek an Dispac'h Bras hag a gasas ar c'hleier d'an traoñ. E 1806 e voe staget ar C'hreiz-kêr en-dro ouzh Skolaj Bro-Leon, ha dont a reas hemañ da vezañ Ensavadur Itron-Varia at C'hreiz-kêr ar XX^vet kantved.

E 1972 e teuas chapel da vezañ ur chapel-barrez. Eus an aspled, a bigner betek ennañ dre un derezioù a 174 pazenn, e vezer dudiet gant ur gwel meur war Bro-Leon.

Ar porched norzh — ur savadur mistr er c'hiz c'hotek flammek — zo eus ar XV^vet kantved. Dindan ar porched-se e tiskenne an eskibien diwar o mul gwechall pa zeuent da gemer o c'hador eskob.