Celle (Alamagn)
Ur pennad Celle zo ivez.
Celle (distaget [ˈtsɛlə] en alamaneg) zo ur gêr eus hanternoz Alamagn, e stad Niedersachsen. Kêr-benn Landkreis (distrig) Celle eo.
Emañ war lez ar stêr Aller, un adstêr d'ar Weser. Poblet eo gant war-dro 71 000 a dud. Emañ war harzoù al Lüneburger Heide, ur c'horn-bro lanneier etre Hamburg ha Celle. Brudet eo Kastell Celle, savet e giz an Azginivelezh evit ul lodenn hag er c'hiz barok evit ul lodenn all, hag a oa d'an tiegezh Braunschweig-Lüneburg. Tiez kozh brav zo da welet e kreiz kêr (en Altstadt, ar gêr gozh) ha dont a ra touristed e-leizh d'o gwelet.
