Brigadenn 2506
Ar vrigadenn 2506 (e spagnoleg Brigada de asalto 2056 pe Brigada asalto 2056) a oa ur strollad milourel enepkomunour, ennañ divroidi eus Kuba, gourdonet ha pourveziet gant ar CIA adalek miz Mae 1960 evit aloubiñ o enezenn orin ha diskar gouarnamant Fidel Castro. En o zouez e oa reoù bet poliserien dindan renad Fulgencio Batista ha torfedourien. 1.397 anezho, da lavaret eo ar braz eus ar vrigadenn, a gemeras perzh e dilestradeg c'hwitet bae ar Moc'h d'ar 17 a viz Ebrel 1961. 114 stourmer a voe lazhet eno ha tost an holl re all, war-dro 1.200, a voe prizoniet.