Bloavezh ar C'hwec'h Impalaer

Bloavezh ar C'hwec'h Impalaer a reer eus ar bloaz 238 en Impalaeriezh roman.

• Ar c'hwec'h impalaer
• 
  Maximinus Thrax
• 
  Gordianus Iañ
• 
  Gordianus II
• 
  Pupienus
• 
  Balbinus
• 
  Gordianus III

Istor

E deroù 238 e oa Maximinus Thrax an impalaer hag o ren abaoe 235. Hervez mammennoù zo e oa un tirant kriz hag e Genver 238 e voe emsavadeg en proviñs roman Africa.

Un toullad uhelidi yaouank a vuntras tailhanter impalaerel Afrika hag a c'houlennas digant ar gouarnour, Gordianus Iañ, 80 vloaz dezhañ, embann e kemerje ar garg a impalaer. Hennezh a sentas enep dezhañ hag a gemeras e vab gantañ evel kenimpalaer. An eil hag egile a voe anavezet evel impalaerien gant Sened Roma.